Sarundéng
Sarundéng nyaéta salah sahiji kadaharan anu bahan utamana parudan kalapa nu digoréng. Ieu kadaharan biasana jadi deungeun sangu nu pédo jeung gurih. Sarundéng nu dijieun tina parud kalapa jeung dibungbuan ku bawang bombay, cabé, bawang bodas, bawang beureum, katuncar, Konéng, gula, Asem, Salam, daun jeruk, jeung laja. Ieu bungbu téh digerus nepi ka lembut. Sarundéng leuwih ni'mat lamun ditambahan daging sapi jiga abon.[1] Sarundéng téh kadaharan nu awét jeung lana kana bulukanana, asal diteundeun di tempat kadaharan nu katutup rapet (kéler). [2]
Deungeun Sangu édit
Rasana nu pédo élom ngajadikeun sarundéng téh deungeun sangu, komo nu dicampuran ku daging sapi atawa hayam mah. Sarundéng téh dijieun tina sangray kalapa meunang marud tuluy diabrukkeun kana sambara cigula asak maké asem, salam, séréh, jeung uyah saeutik. Ku urang Sunda mah sarundéng téh méh sarua jeung lelebu. [3]
Rujukan édit
- ↑ "Resep Membuat Serundeng Kelapa Kering Pedas Manis Gurih" (dalam bahasa en-US). Kuliner Nasional. 2016-02-26. https://kulinernasional.com/resep-membuat-serundeng-kelapa-kering-pedas-manis-gurih/. Diakses pada 2017-10-21 Archived 2017-06-06 di Wayback Machine
- ↑ "Cara Membuat Serundeng Kelapa Gurih Dan Renyah | Resep Harian". www.resepharian.com (dalam en-US). Diakses tanggal 2017-10-21. Archived 2017-11-02 di Wayback Machine
- ↑ Danadibrata, R.A. (2006). Kamus Umum Basa Sunda. Bandung: Kiblat Buku Utama. p. 663.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |