Sutradara
Sutradara nyaéta hiji pakasaban hiji jalma anu boga tanggung jawab sapinuhna sacara profésional dina ngalaksanakeun hiji prosés produksi/ nyieun siaran paket télévisi jeung miboga pangabisa wawasan anu lega, kreatif, imaginative, interpretiv,inovative, dina nyieun karya sarta méré mangpaat pikeun batur sarta dirina sorangan.[1] Aya sawatara Sutradara di Indonésia anu kawentar di masarakat alatan karyana dina nyiptakeun Film, contona saperti :Riri Riza, Nia Dinata, Joko anwar, Garin Nugroho, Hanung Bramantyo, Rudi Sujarwo, Ifa Isfansyah, jsb.[2] Aya dua tiori anu dipaké sutradara dina ngalakonan pakasabanna nyaéta :
- Téori Gordon Craig
Kudu aya kakuatan ideu dina téater.[3] Lamun téater nyaéta seni mangka manéhna kudu bisa ngébréhkeun karakter pribadi si seniman, sutradara ngébréhkeun ideuna liwat aktor sarta aktris.[3] Kaonjoyan téori ieu téh hasilna sampurna (perfect), tata lantip terjamin, tarapti.[3] Kahéngkéranna nyaéta sutradara jadi diktaktor, kudu nurutan gaya sutradara anu mangrupa prototip, kréativitas maranéhanana dileungitkeun atawa dihalangan, padahal tujuan produksi lakon nyaéta méré kasempetan pikeun aktor sarta aktris méré sumbangan pikeun sakumna kru.[3]
- Téori Laissez Faire
Dina téater ieu aktor sarta aktris nyaéta panyipta dina téater.[3] Pancén sutradara nyaéta mantuan aktor sarta aktris ngébréhkeun dirina dina lakon, saurang supervisor dirina sangkan ngalaksanakeun lalakon sangkan hadé.[3] Kaonjoyan téori ieu téh sutradara lain saurang diktator tapi jadi pembantu. Kahéngkéran téori ieu téh baris timbulna bancang pakéwuh sarta kurang teratur, kurang tarapti sabab sutradara dianggap asor .[3]
Rujukan édit
- ↑ (id)pengertian sutradara (diaksés tanggal 3 Desember 2011)
- ↑ (id)8 sutradara Indonesia (diaksés tanggal 3 Desember 2011)
- ↑ a b c d e f g (id)Buku Sastra Drama (Sutradara)[tumbu nonaktif] (diaksés tanggal 3 Desember 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |