Sanggeus kakawasaan Roma runtag, bantuan pamaréntah ogé teu katémbong deui.[1] Rombongan sandiwara keliling nu mintonkeun mime jeung para troubadour hirup nepi ka abad pertengahan Eropa.[1]
Naskah-naskah Terence, Plautus, jeung Seneca ogé diteundeun ku para paderi pikeun ditalungtik tur dianalisis gaya nulisna minangka modél gaya basa Latin.[1] Drama abad pertengahan mekar antara taun 900-1500.[1] Ieu drama leungit dina taun 1600-an nalika jaman reformasi, iwal ti di Spanyol.[1]

Ukiran siklus drama misteri Chester

Wangun Drama édit

Drama Liturgi édit

Ieu drama mimiti mekar taun 900-an minangka bagéan tina upacara misa.[2] Dina éta upacara dipintonkeun drama péndék dina basa Latin.[2] Caritana biasana museur dina carita-carita agamawi nu dicokot tina Bible.[2] Ieu drama dilakukeun di jero garéja nalika upacara misa.[2] Taun 1200-an, ieu drama mimiti dibawa kaluar garéja.[2]

Cycle édit

Dina dasarna cycle masih aya dina tataran religious, ngan geus diseselan ku unsur bodor.[2] Pintonan cycle dipintonkeun dina karéta kuda.[2] Di sawatara dayeuh di Eropa, ieu pintonan dipintonkeun dina panggung nu panjang nu disebut Mansion.[2] Miracle Ieu drama nyaritakeun ngeunaan jalma-jalma suci (santo-santo).[2] Pintonanana biasana dilakukeun di jalan-jalan jeung di lapang.[2] Drama Moral Ieu drama leuwih museur kana téma kahadéan, nu beunghar jeung nu sangsara, élmu pangaweruh, nu pinter jeung nu bodo, jeung sajabana.[3] Tujuanana nyaéta némbongkeun ayana hiji hal nu patukangtonggong dina ieu kahirupan.[3] Biasana sipat ieu drama henteu dramatis.[3] Dina drama ieu biasana aya badut minangka unsur bodorna.[3] Ieu drama ogé nu loba mangaruhan William Shakespeare dina jaman Renaissance.[3] Farce Sipatna sékulér mekar di saluareun geréja. Sipatna komikal sarta dumasar kana carita-carita masarakatna.[4]

Referensi édit

  1. a b c d e Sumardjo,Jakob.1986.Ikhtisar Sejarah Teater Barat.Bandung:Angkasa Kaca 20 (id)
  2. a b c d e f g h i j Sumardjo, Jakob.1986.Ikhtisar Sejarah Teater Barat.Bandung:Angkasa Kaca 21 (id)
  3. a b c d e Sumardjo, Jakob.1986.Ikhtisar Sejarah Teater Barat.Bandung:Angkasa Kaca 23 (id)
  4. Sumardjo, Jakob.1986.Ikhtisar Sejarah Teater Barat.Bandung:Angkasa Kaca 24 (id)