Walirang dioksida atawa sulfur dioksida (SO2) nyaéta sanyawa kimia nu dihasilkeun ku gunung api jeung rupa-rupa olah industri. ku sabab batubara jeung minyak bumi loba nu ngandung sanyawaan walirang, durukanana ogé ngahasilkeun walirang dioksida. Mun didurukna nerus sarta dikatalisan (misalna ku NO2), ieu sanyawa bakal jadi H2SO4, nu salajengna bisa jadi hujan asam[1].

Modél ngeusi-rohang (3D) molekul walirang dioksida: walirang (konéng) ngabeungkeut kovalén dua atom oksigén (beureum).

Nyieun édit

Walirang dioksida bisa dijieun ku cara ngaduruk walirang:

S8 + 8O2 → 8SO2

Durukan hidrogén sulfida jeung sanyawaan organosulfur lumangsung sarupa.

2H2S(g) + 3O2(g) → 2H2O(g) + 2SO2(g)

BIjih sulfida kayaning pirit beusi, spalerit, jeung raksa sulfida ogé ngahasilkeun SO2:

4FeS2(s) + 11O2(g) → 2Fe2O3(s) + 8SO2(g)
2 ZnS(s) + 3O2(g) → 2ZnO(s) + 2SO2(g)
HgS(s) + O2(g) → Hg(g) + SO2(g)

Walirang dioksida dihasilkeun ogé di pabrik semén: CaSiO3 jeung CaSO4 dipanaskeun maké areng jeung keusik:

2CaSO4(s) + 2SiO2(s) + C(s) → 2CaSiO3(s) + 2SO2(g) + CO2(g)

Asam sulfat panas mun dikucurkeun kana tambaga ngahasilkeun walirang dioksida.

Cu(s) + 2H2SO4(aq) → CuSO4(aq) + SO2(g) + 2H2O(l)

Rujukan édit

  1. Holleman, A. F. & E. Wiberg (2001) Inorganic Chemistry. Academic Press, San Diego. ISBN 0-12-352651-5.

Tumbu kaluar édit

 
Wikimedia Commons logo
Wikimedia Commons mibanda média séjénna ngeunaan