Bagian bubuka, paragraf bubuka, atawa panganteur hiji artikel Wikipedia téh nyaéta bagian saméméh subjudul kahiji. Daptar eusi, lamun ditémbongkeun kalawan default bakal muncul di antara bagian bubuka jeung subjudul kahiji.

Ambahan définisi jeung eusi artikel édit

Dina wikipedia, paragraf kahiji umumna mangrupa définisi tina judul artikel. Dina nulis définisi atawa eusi tina hiji artikel anu sipatna global (topik anu dibahas aya ogé di nagara atawa wilayah séjén). Mangka tuliskeun eusi jeung définisi dina bagian awal kalawan global, tuluy tuliskeun définisi atawa eusi artikel di nagara atawa wilayah nu tangtu dina bagian anu mandiri. Wikipédia Basa Sunda téh lain Wikipedia anu dipiboga ku urang Sunda wungkul, nu matak définisi atawa eusina teu meunang dumasar katangtuan anu aya di wewengkon Sunda wungkul. Lamun Anjeun boga niat pikeun nulis eusi ngeunaan hiji artikel tapi ambahanna cukup ngan saukur di wilayah nu tangtu (misalna Sunda), robah judulna jadi leuwih lokal. Misalna tina Sato jadi Sato Sunda atawa tina Sastra jadi Sastra Sunda.

Conto anu salah tina artikel Pamayang:

'Pamayang nurutkeun Undang-undang Nomer 31 taun 2004 nyaéta jalma anu pakasabanna ngala lauk.

Conto anu leuwih hadé tina artikel Pamayang:

Pamayang nya éta pakasaban hiji jelma anu gawéna ngala lauk di basisir atawa sagara.
Katerangan: Paragraf kahiji anu mangrupa définisi tina artikel Pamayang sakuduna mangrupa définisi pamayang sacara global. Définisi nurutkeun Undang-undang di Indonésia kuduna mah ditulis dina subbagian anu mandiri.

Panjang paragraf bubuka édit

Lantaran ngarana ogé paragraf, mangka panjang paragraf bubuka kudu leuwih ti hiji kalimah. Conto tina artikel Pamayang

Pamayang nya éta pakasaban hiji jelma anu gawéna ngala lauk di basisir atawa sagara.Pakakas anu utama pikeun ngala lauk nya éya parahu mayang anu mangrupa parahu husus pikeun pamayang ngala lauk di sagara, jeung jaring.

Citakan anu patali édit

Citakan anu dipaké pikeun nandaan artikel-artikel anu teu miboga bagian bubuka anu jelas: {{paragraf bubuka}}

Tingali ogé édit