Yoseph Iskandar lahir di Purwakarta 11 Januari 1953, ngantunkeun di Kecamatan Ujungberung, Bandung, 26 Maret 2008, tabuh 1.00 WIB.[1] Panyajak, sutradara, panulis carpon, novel, roman, jeung drama dina basa Sunda.[2] Tamat ti SMA, Yoseph asup ka ATPU (Akademi Téknik Pekerjaan Umum) di Bandung.[2] Tapi Yoseph leuwih kataji kana kagiatan kasenian mahasiswana batan kuliahna; di antarana Yoseph kungsi mingpin “Teater Khas" (1977-1981).[2] Saterusna, Yoseph milih pikeun ninggalkeun dunya téhnik.[1] Bareng jeung sastrawan saentraganana saperti Eddy D. Iskandar, Godi Suwarna, Juniarso Ridwan, Beni Setia saparakanca, anjeunna nyieun hiji organisasi para sastrawan Sunda , nu dingaranan Durma Kangka.[1]

Yoseph Iskandar
Gumelar11 Januari 1953
Purwakarta
Tilar dunya26 Maret 2008
Ujungberung, Bandung
PagawéanPanyajak, Panulis, Sutradara, jeung Dosén
KabangsaanIndonésia
GénréCarpon, Novel, roman, sajak, drama

Karya-karyana édit

Yoseph mimiti nulis carpon jeung sajak Sunda.[2] Taun 1979-1985 jadi salah saurang rédaktur Manglé.[2] Waktu harita, minatna kana sajarah Sunda mimiti kahudangkeun.[2] Yoseph mimiti diajar maca jeung neuleuman naskah Wangsakerta ku suwargina Saleh Danasasmita.[2] Saterusna, éta naskah téh jadi modal pikeun ngarang novel-novél sajarahna, kayaning Perang Bubat (1988), Wastu Kancana (1989), Prabu Wangisutah (1991), Tanjeur na Juritan, Jaya di Buana (1991), Pamanahrasa (1991), Putri Subanglarang (1991), Prabu Anom Jayadéwata (1996), Tri Tangtu di Bumi (1996).[2] Novélna Tanjeur na Juritan Jaya di Buana dilélér Hadiah Sastra Rancagé (1992).[2] Novél sajarahna Tri Tangtu di Bumi ogé meunang Hadiah Sastra Rancagé 1997.[2] Sajak-sajak Yoseph diterbitkeun babarengan jeung karya panyajak saentraganana saperti Eddy D.Iskandar, Godi Suwarna, Beni Setia, jeung lain-lainna, dina Antologi Puisi Sunda Mutakhir (1980) jeung Tumbal (1984).[2] Drama karyana "Juag Toéd" (1984) mindeng dipentaskeun sacara kolosal tur disutradaraan ku anjeunna di Bandung, Jakarta jeung kota-kota lianna di Jawa Barat.[1] Ieu drama komedi teu leupas tina sajarah kamekaran seni tari jaipongan nu dipopiulérkeun ahir taun 1970-an ku Gugum Gumbira, Tati Saléh (alm), jeung Euis Komariah.[1] Yoseph kawilang panulis drama sajarah nu kawilang produktif.[1] Hal ieu bisa dititénan tina naskah drama nu judulna “Ngadegna Pajajaran”, “Pemberontakan Cakrawarman”, “Runtagna Pajajaran”, “Nyi Puun”, “Tanjeur Pajajaran”, “Haji Prawatasari”, jeung sajabana.[1] Salain ti éta, salaku panulis nu sadar kana sajarahna, Yoseph ogé kawilang peka dina neuleuman réalitas sosial di sabudeureunana.[1] Saperti dina drama nu judulna “Juag Toéd”, “Haréwos Nu Gaib”, “BOM”, atawa “Cucunguk”, nu di jerona ngandung kritikan-kritikan nu nyugak.[1] Dina féstival Drama Basa Sunda (FDBS) IX taun 2006, “Cucunguk” jadi naskah drama nu panglobana dipilih ku pamilon.[1] Salian ti éta dina widang atikan, Yoseph ogé kungsi jadi dosén di UNPAS, UNTIRTA, UC Santa Cruz California Amerika.[1]

Referensi édit

  1. a b c d e f g h i j k "Nyekar" Yoseph Iskandar Archived 2011-11-05 di Wayback Machine (Diakses tanggal 19 Oktober 2011)
  2. a b c d e f g h i j k Iskandar, Yoseph.2009.Perang Bubat.Bandung:PT Kiblat Utama


 
Daptar Sastrawan Sunda
Aam AmiliaAan Merdéka PermanaAbdullah MustappaAcép Zamzam NoorAchdiat Karta MihardjaAdang SAyip RosidiAhmad BakriAkub SumarnaApip MustapaApung Supena WiratmajaArthur S. NalanAyatrohaédiBéni SetiaBudi Rahayu TamsyahCécép BurdansyahDadan SutisnaDarpanDédén Abdul AzizDédy WindyagiriDodong DjiwapradjaDuduh DurahmanDyah PadminiEddy D. IskandarElin SyamsuriÉtti R.S.Godi SuwarnaHadi AKSHasan Wahyu AtmakusumahHawé SetiawanHérmawan AksanHidayat SuryalagaHolisoh M.EIskandarwassidJeihanJuniarso RidwanKarna YudibrataKarno KartadibrataKi UmbaraKis WSM.A. SalmunMéméd SastrahadiprawiraMoch. AmbriNanéng DaningsihNingrum DjulaéhaNano. SNazarudin AzharPopon SaadahRahmat M.A.SRahmatullah Ading Affandie (RAF)Ramadhan K.HRustandi KartakusumaSaéful BadarSaini K.M.Sajudin NatadisastraSamsoediS.M. ArdanSoni Farid MaulanaSunarya P.K.Syarif AminTatang SumarsonoTaufik FaturohmanTéddi MuhtadinTini KartiniUsép RomliUs TiarsaWahyu WibisanaYayat HéndayanaYooke TjuparmahYoséph IskandarYuhanaYus RusamsiYus Rusyana