Kolanding nyaéta karanjang nu bisa digandong kalawan dipaké wadah daun entéh atawa kopi meunang metik.[1]

Kolanding ogé sok dipaké ngawadahan lodong leutik anu ditaplokeun kana lodong gedé, waktu rék mawa lahang meunang nyadap. Éta kagiatan dilaksanakeun téh maksudna keur nandéan cai lahang anu keplok tina lodong gedé sangkan henteu loba kapiceun.[2]

BahanÉdit

Bahan kolanding téh tina awi. Awi nu dipaké téh kudu nu meujeuhna tina tataran waktuna. Ngora teuing ulah, ku sabab bakal gancang péot waktu geus jadi kolanding.[3] Lamun kolot teuing bakal gancang potong waktu keur dijieunna. Ilaharna awi pibahaneun téh umurna 7 nepi ka 24 bulan, lantaran ieu awi keur meujeuhna lumiat.[3]

Dicutat tinaÉdit

  1. Danadibrata, R.A. (2009). Kamus Basa Sunda R.A. Danadibrata. Indonesia: Kiblat Buku Utama. p. 283. ISBN 9793631937. 
  2. Amin, Sjarif (1984). Di lembur kuring. Jakarta: Departemen Pendikan dan Kebudayaan, Proyek Penerbitan Buku Sastra Indonesia dan Daerah. 
  3. a b Anton, Gerbono (2005). Teknologi Tepat Guna ANEKA ANYAMAN BAMBU. Jakarta: Kanisius. p. 25. ISBN 9789792107128. Ditempo kaping5 Oktober 2017
 



RujukanÉdit