Peusing Sunda[1]
Status konservasi
Klasifikasi ilmiah
Karajaan:
Filum:
Kelas:
Ordo:
Kulawarga:
Génus:
Spésiés:
M. javanica
Ngaran binomial
Manis javanica

Peusing Sunda (Manis javanica), ogé katelah Peusing Malayu atawa Peusing Jawa, nyaéta hiji spésiés peusing ti wewengkon Asia Tenggara.[rujukan?] Kulit sukuna granular, najan aya dampalan dina suku hareupna.[rujukan?] Panjang buntutna 30 buku.[rujukan?] Peusing Sunda deukeut pisan jeung Peusing Cina, najan spésiés Sunda leuwih badag, kelirna leuwih caang, sarta kuku hareupna leuwih pondok.[rujukan?] Peusing Sunda biasana dimangsa ku lodaya jeung méong.[rujukan?]

Habitat édit

Peusing Sunda hirup di rupa-rupa lingkungan, di antarana leuweung primér jeung sekundér, sabana nembrak, sarta wewengkon nu jembet ku rungkun. Ieu sato osok ogé kawénéhan di kebon jeung perkebunan. Najan sabenerna mah hirupna di darat dina liang-liang, kukuna nu paranjang ngabantu ogé ieu sato pikeun naék tatangkalan pikeun nyiar kadaharan.

Dedegan édit

Peusing Sunda mah ahéng, sisitna kawas taméng naga. Panjang awakna 79-88 (kaasup buntut), nu jalu leuwih badag batan bikangna. Ti irung nepi ka buntutna ditutupan ku sisit anu patunjang-tunjang (17-19 kolom dina awak bagian tengah sarta leuwih ti 20 kolom dina buntutna) . Sisit dina tonggong jeung sisina teuas, kelirna coklat semu konéng. Sisit ieu téh diturunkeun tina bulu, sedengkeun beuteung jeung beungeutna ditutup ku bulu coklat pias.

Huluna nyorong, panonna leutik sarta ditutup ku kongkolak anu kandel. Bagian luar (daun) ceulina leutik pisan, irungna baseuh, sedengkeun sungutna euweuh huntuan. Létahna ipis jeung panjang pisan, bisa ngelél nepi ka 25 cm, nu baseuh ku ciduh nu rapet pikeun néwak sireum jeung rinyuh. Mun teu ngelél, éta létah asup kana rohang dada jeung nyayang dina pélvisna. Ieu sato kaasup péntadaktil; suku hareupna dilengkepan ku dampal, kuku panggali paranjang, leuwih kuat batan suku tukangna [1].

Rujukan édit

  1. Schlitter, Duane A. (16-11-2005). D. E. Wilson & D. M. Reeder (éd.), ed. Mammal Species of the World (édisi ka-3 ed.). Johns Hopkins University Press. pp. 530–531. ISBN 0-801-88221-4. 
  2. Pangolin Specialist Group (1996). Manis javanica. 2006 IUCN Red List of Threatened Species. IUCN 2006. Dipulut ping 11 Méi 2006.