Rebab nyaéta waditra kését nu kaasup kana gamelan sapuratina, biasana diapaénkeun dina pagelaran wayang, kiliningan, celempungan, atawa tembang Sunda husus dina laras Saléndro. Pungsina nyaéta keur mirig sarta madakeun mélodi. Surupan atawa tangga nada nu ilahar digunakeun ku nu maénkeun rebab nyaéta saléndro, pélog, sorog, jeung degung, kalawan tata ramo anu husus.

Rebab

Sasakala édit

Rebab asalna tina basa (Arab الربابة atawa ربابة - "gondéwa").[1] Istilah rebap, rabab, rebeb, rababah, atawa al-rababa) sahenteuna geus dipikawanoh leuirna ti abad ka-9 Maséhi, sumebar ngaliwatan jalur perdagangan Islam, utamana wewengkon-wewengkon Afrika Kalér, Timur Tengah, bagian ti Éropa, jeung Oriéntal.

Di nagara bagian Malaysia wétan, Kelantan jeung Terengganu, rebab digunakeun dina ritual nyageurkeun panyakit anu disebut "Main Puteri". Sakapeung pamaén rebabna ngahaja diogan ka rumah sakit upama dokter geus teu sanggup ngubaranana.

Karakterisitik édit

Sora ti rebab laras degung
Sora ti rebab laras madénda
Sora ti rebab laras mandalung
Sora ti rebab laras saléndro

Rebab sora nadana luhur, ku kituna mindeng diukir jeung dihias puhuna atawa catangna. Catangna lengkéh, jeung biasana dijieun tina kai leban, panjangna 3 kaki 6 inci, jeung diukir ti ujung puhu nepi ka ujung catang. Puhuna sarupa jeung mahkota urang Khamer. tilu ceuli jang tali nu diukir, bijil di handap mahkotana, 2 di belah kénca, 1 di belah katuhu ti catangna. Talina aya 3, 2 tali dipaénkeun babarengan. Sorana nyaéta E, A, jeung E luhur, aya ogé anu sorana G, D, A. Paranti ngagésékna maké kai anu diukir jeung digésékna kawas maénkeun céllo. Catangna manjang vertikal, lébar luhurna 8 inci, handapna 4 inci, jeung kandelna 2 inci. Batokna biasana dijieun tina kulit munding. Aya nu léngkét jang neken sora, jeung camara paranti ngagésékna dijieun tina buntut munding atawa sabut kalapa.[2]

Cara édit

Rebab dipaénkeun ku cara neundeun jempol digigireun puhu gésékan, ramo ka 2 jeung ka 3 di handap, tuluy ramo ka 4 jeung ka 5 ngaheuraskeun tali. Tali gésékan dipaénkeun di luhureun batok.[2]

Galéri édit

Catetan édit

  1. "Rebab". MHN Instrument Encyclopedia. Diarsipkan dari versi asli tanggal 14 Juli 2007.  Archived 2008-12-01 di Wayback Machine
  2. a b "Rebab". Warisan Budaya Takbenda Indonesia. Direktorat Warisan dan Diplomasi Budaya.  Archived 2022-06-30 di Wayback Machine