Akar kalapa
Akar kalapa nyaéta kuéh garing nu dijieun tina tipung béas jeung tipung ketan. Ieu kuéh geus teu bireuk deui di wewengkon Sunda mah, ogé di wewengkon Batawi jeung sabudeureunana. Umumna mah ieu kuéh téh disuguhkeun jeung kuéh-kuéh lianna kayaning rangginang, katapang, goréng kacang jeung sajabana dina acara husus. Acara husus nu dimaksud kayaning keur lebaran atawa hajatan. Di wewengkon Bekasi akar kalapa loba diproduksi, ngan kiwari mah alatan kagerus ku jaman, ieu kuéh téh langka diproduksi sacara massal.
Términologi
éditAri ieu kuéh mantak disebut akar kalapa téh lain harti bahanna dijieun tina akar kalapa, ieu mah mangrupa istilah injeuman pikeun nyebut ieu kuéh. Nu ngabalukarkeun disebut jadi akar kalapa téh lantaran wangunna nu mirip kawas akar kalapa.[1][2] Saenyana mah teu mirip-mirip teuing, ngan tina wangunna nu panjang sarta tingcarukcukan, saliwat mah waragadna kawas akar kalapa, paranjang pating aremplad.
Varian
éditAkar kalapa umumna mah rasana amis, sok disebut varian original, aya ogé nu rasana asin, malah mah kiwari sok aya nu ditambahan varian rasa lianna, kayaning kéju, jahé, lada, susu jeung sajabana.[3][4]
Rujukan
édit- ↑ "Masakan Khas Betawi Disajikan di Santika TMII". travel.kompas.com. Diakses tanggal 24 Nopémber 2016.
- ↑ "Kriuk.. Kriuk.. Akar Kelapa". detikfood. 24 September 2008. Diakses tanggal 24 Nopémber 2016.
- ↑ "Resep Kue Akar Kelapa Rasa Keju Asin Gurih Dan Renyah". Menu Resep Kue. http://www.menuresepkue.com/2015/07/resep-kue-akar-kelapa-keju.html. Diakses pada 2017-12-08 Archived 2017-12-24 di Wayback Machine
- ↑ "Resep Membuat Kue Akar Kelapa Manis dan Asin Tradisional". www.masakkue.com. Diakses tanggal 2017-12-08. Archived 2017-12-16 di Wayback Machine
|
Artikel ngeunaan dahareun jeung inuman ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |