Wikipédia

Amandel

Amandel atawa mandel ( Basa Inggris: tonsils, palatine tonsil, faucial tonsils, nasopharyngeal tonsil) mangrupa struktur normal anu kapanggih dina unggal sisi tukang tikoro . Ieu organ bagian tina sistem imun jeung bisa ngahasilkeun antibodi keur ngalawan sababaraha wanda kuman anu nyerang kaséhatan baham. [1] Ukuran amandel téh leutik, sabab tempatna dina puhu tikoro belah kénca jeung katuhu lebah tungtung tukangeun rongga baham. Duanana diwangun ku jaringan anu méh sarupa jeung kelenjar getah bening anu ditutupan ku lapisan kulit anu warnana kayas. [2] Amandel dina baham barudak leuwih gedé tibatan anu sawawa. Beuki kolot ukuran amandelna bakal ngaleutikan. Dina awak manusa amandel miboga liang anu gunana pikeun neundeun sél anti inféksi tina jero awak. Amandel ogé ngandung sél B, nyaéta sél getih bodas anu manpaat keur ngalawan inféksi dina awak. Dina amandel ogé aya sél T, nyaéta sél getih bodas keur ngahancurkeun sél anu katépaan ku virus jeung ngawangun imunitas dina organisme anu nyababkeun inféksi. [3]

Tonsils dina rongga lisan.

Radang

édit

Radang amandel atawa tonsillitis bisa jadi balukar tina gugus béta-hemolytic A-streptococci. [4] Salian ti baktéri, radang ogé bisa disababkeun ku hawa anu kakeunaan virus jeung ciduh anu nyéprét ti jalma anu kaserang gejala panyakit kawas pilek atawa batuk. [5]

Aya dua wanda tonsilitis, nyaéta radang parna atwa kronis. Tonsilitis anu parna miboga keluhan kasorang muriang nepi kan39 derajat Celsius, nyeri tikoro anu salila 24-48 jam kalayan dibarengan ku utah . [4] [5] Ciri tonsilitis kronis nyaéta batuk jeung pilek, serak jeung sora anu teu jelas, serak balukar tina udud atawa kurang sumanget pikeun ngalakukeun kagiatan, kulem leuwih sering tibatan biasana, lemes sareng utah. [6] lamun aya gejala tonsillitis, anjeun tiasa ngalakukeun ieu.

  • Pariksa kaayaan amandel keur informasi mimiti naha ngabareuhan atawa henteu.
  • Ulah nginum cai és, haseum, lada sabab tiasa ngaatur tonsillitis.
  • Jaga kasaimbangan kaséhatan ku cara ngadahar sayur atawa bungbuahanu.
  • Lamun kaserang tonsil kronis, konsultasikeun ka dokter THT. [6]

Rujukan

édit
  1. ↑ Redaksi gleneagles. "Tonsillitis | Telinga, Hidung & Tenggorokan (Otorhinolaringologi)| Gleneagles Hospital, Singapura". www.gleneagles.com.sg (dalam Indonesian). Diakses tanggal 2020-11-24.  Archived 2021-01-16 di Wayback Machine
  2. ↑ Swari, Risky Candra. "Tonsil, Organ Kecil yang Berperan Penting untuk Melawan Infeksi". Hello Sehat (dalam id-ID). Diakses tanggal 2020-11-25. 
  3. ↑ Wening, Tyas. "Ukuran Amandel Memang Kecil, tapi Punya Banyak Peran Bagi Tubuh! Ketahui Cara Kerjanya - Semua Halaman - Bobo". bobo.grid.id (dalam Indonesian). Diakses tanggal 2020-11-24. 
  4. ↑ a b Hartanti, Vien (2010). Jadi Dokter Di Rumah Sendiri Dengan Terapi Herbal Dan Pijat (dalam Indonesian). Yogyakarta: Pustaka Anggrek. p. 35. ISBN 978-602-8328-48-7. 
  5. ↑ a b Betseba Elisabeth, Simanjorang (2019-06-01). Tonsilitis (Radang Amandel) dimuat pada Majalah Menjemaat Edisi Juni 2019 (dalam Indonesian). Medan: Komisi Komunikasi Sosial - Keuskupan Agung Medan. p. 47. ISSN 14116803 Check |issn= value (bantuan). 
  6. ↑ a b Suranto, Adji (2010). Jangan Panik Bunda (dalam Indonesian). Jakarta: PT Niaga Swadaya. p. 58. ISBN 978-602-8661-20-1. 
Dicomot ti "https://su.wikipedia.org/w/index.php?title=Amandel&oldid=655349"