Buka ménu utama

Ambaliki nyaéta Adi ti Dewi Amba jeung Ambalika. Dikawinkeun ku adina Bisma , Citrawirya. Sabada Citragada tilardunya (teu lila ti sanggeus dijeneungkeun raja), Astina téh ragrag ka Citrawirya.

Saenggeus kawin jeung Ambaliki, Citrawirya ge umurna teu lila, nilar bari teu kungsi boga anak. Ku kituna Bisma kacida Ngarasa liwungna. Nya sanggeus aya kasaluyuan ti para wiku jeung Begawan Santanu, Ambalika dijurung pikeun labuh geni, milu kana pancaka nuturkeun salaki-salakina (Nurutkeun kapercayaan jaman harita, mun salakina tilar dunya, pamajikanana ge bisa milu labuh geni. Ngan baé dumeh duanana can boga turunan, Ambalika jeung Ambaliki dijurungan kawin deui jeung kaom Brahmana. éta téh putusan nu disaluyunan ku Begawan Santunan sangkan nu dua éta dikawin ku Abiyasa.

Waktu Ambaliki dirungrum dina peutingan oleng panganten ku Abiyasa, Ambalika téh tipepereket peureum alatan teu kuat nahan bau nu mabek nu kaluar tina awak Abiyasa. Atuh basa gelar anak munggaran teh, orokna teu bisa ningali, diaranan Destarata. Ari Ambaliki, waktu dirungrum dina peutingan oleng panganten ku Abiyasa téh kalah ka pias sepa. Antukna, waktu gelar anak munggaran, orok téh pias konéas, diaranan baé Pandu. Samemeh anak-anakna mangkat gede, Prabu Abiyasa diangkat jadi raja Astina Pikeun saheulaaneun, kalawan gelar Prabu Kresnadwipayana. Sanggeus anakna galede, nu diangkat jadi raja téh Pandu, sabab mah teu bisa ningali [1]

RujukanÉdit

  1. R. Gunawan Djajakusumah Dian Hendrayana (2010). Léksikon Pawayangan. Jl. Guntur Sari Wetan 27 (Radio Mara) Bandung: Puspawarna.