Apartemén mangrupa serepan tina basa Inggris apartement anu hartina nyaéta salah sahiji jenis wangunan imah anu ngahiji sakenténg, sabangunan, jeung satémbok[1]. Eusina aya kamar, kamar mandi, dapur, jeung sajabana[1]. Ciri has tina wangunan apartemén nyaéta miboga jumlah lanté sababaraha tingkatan anu loba jeung luhur[1]. Fasilitas séjénna aya kolam renang, tempat paranti olah raga, tempat dagang, jeung sajabana[1]. Istilah apartemén mimiti aya di Amérika Serikat[1]. Sedengkeun di nagara Inggris, istilah apartemén leuwih populér ku istilah flat[1].

Ilustrasi pikeun apartemén.

SajarahÉdit

Apartemén popular di New York di abad ka-19[2]. Harita aya program imigrasi anu ngalantarankeun jumlah manusa di New York ngalobaan dua kali lipet[2]. Wangunan imah anu biasa dieusian ku hiji kulawarga, kiwari eusina jadi sababaraha kulawarga[2]. Harita, apartemén mangrupakeun wangunan anu kumuh atawa teu layak huni, sarta dihususkeun pikeun masarakat anu kaayaan ékonomina kurang mampuh[2].

Di Skotlandia, dina abad ka 19-20 masarakat gotong royong pikeun ngawangun apartemén di jero tembok kota pikeun kaamanan[2], lantaran harita keur riweuh ku révolusi industri[2]. Kiwari, gedong-gedong anu harita diwangun masih kénéh weweg[2]. Harga jualna ngaronjat, lantaran wangunanana lega jeung luhur anu mantak nyieun kataji pikeun meuli éta apartemén[2].

Di Australia, apartemén mekar di taun 1885. Jumlah penduduk di kota Queensland geus padet, anu ngalantarankeun pamaréntah kota méré solusi pikeun nyadiakeun gedong apartemén[2]. Kiwari, di Australia apartemén lain wungkul pikeun imah keur masarakat anu ékonomina handap, tapi pikeun kabutuhan masarakat[2].

Di Indonésia, apartemén mimiti diwangun di Ratu Plaza taun 1974[2]. Totalna aya 54 unit apartemén. Lokasina aya di jalan Jenderal Sudirman Jakarta Kidul, anu mangrupakeun puseur ékonomi di jaman harita[2]. Jumlah penduduk anu ngaronjat, loba pengusaha anu mulai ngawangun jeung ngajual hunian hususna di Jakarta[2].

JenisÉdit

Aya sababaraha jenis apartemén di antarana:

  • Apartemén tipe studio, nyaéta apartemén leutik anu miboga hiji rohangan, konsépna open plan[3]. Hartina, sakabéh fungsi imah ngahiji di rohangan anu sarua[3]. Tujuanana sangkan leuwih basajan jeung éfisién[3]. Hargana leuwih murah dibandingkeun jeung jenis séjén[3]. Ngaran tipe apartemén studi, biasana disebut studio flat[3].
  • Apartemén 1 BR[3]. Harti tina 1 BR nyaéta, 1 bedroom atawa hiji kamar[3]. Maksudna, ieu tipe apartemén miboga 1 kamar saré, 1 rohangan tengah, 1 dapur, jeung 1 kamar mandi[3]. Legana kurang leuwih 25 méter pasagi[3].
  • Apartemén tipe studio Alcove[3], miboga konsép utama anu sarua jeung tipe studi nyaéta basajan[3]. Ciri hasna nyaéta partisi anu diwangun ngabentuk huruf L di rohangan tengahna[3]. Tujuanana sangkan nyiptakeun suasana anu lega di jero rohangan[3].
  • Apartemén loft, miboga wangun lalangit anu lega[3]. Ciri hasna loba wangunan tipe loft anu ngahaja teu maké lapisan finishing[3], tujuanana sangkan nyiptakeun suasana anu alami[3].
  • Apartemén Garden, miboga aksés langsung ka bagéan teras anu alami[3]. Sifatna pribadi, ayana di lanté dasar gedong apartemén[3].
  • Apartemén duplex, mangrupakeun dua unit imah anu ngahiji satémbok[3]. Lian ti étam ieu tipe konsépna babagi teras ku babarengan[3].

KaonjoyanÉdit

Aya sababaraha kaonjoyan nalika cicing di apartemén, di antarana:

  • Leuwih aman[4]. Salah sahiji fasilitas anu disadiakeun di apartemén nyaéta rasa aman, lantaran unggal unit dilengkepan ku CCTV anu aktif 24 jam[4]. Sakabéh kagiatan di lingkungan apartemén ka pantau[4], ka asup tamu saha waé anu datang. Lian ti éta, unggal apartemén miboga patugas husus pikeun ngajaga kaamanan lingkungan apartemén[4].
  • Fasilitas leuwih lengkep[4]. Lian ti kamanan, apartemén ogé sok nyadiakeun fasilitas anu agréng, di antarana aya kolam renang, tempat parkir, laundry, tempat olah raga, jeung sajabana[4].
  • Hargana leuwih murah dibandingkeun jeung imah[4]. Konsép meuli apartemén nyaéta ngan ukur meuli wangunan hungkul, teu kudu meuli taneuhna[4].
  • Wangunanana leuwih basajan[4].

Daftar RéférénsiÉdit

  1. a b c d e f "99.co - Pengertian Apartemen, Karakteristik, Fungsi & Tips Terbaru". www.99.co (dalam Indonesian). Diakses tanggal 2021-04-30. 
  2. a b c d e f g h i j k l m "Sejarah Kondominium Apartemen di Jakarta, Indonesia - Azalea Suites". Azalea Suite Cikarang (dalam en-US). Diakses tanggal 2021-04-30. 
  3. a b c d e f g h i j k l m n o p q r s t "Yuk, Ketahui 14 Tipe Apartemen yang Umum Ditemui! | Rumah123.com". www.rumah123.com. Diakses tanggal 2021-04-30. 
  4. a b c d e f g h i JawaPos.com. "8 Kelebihan Tinggal di Apartemen Dibanding Rumah, Apa Saja?". JawaPos.com (dalam Indonesian). Diakses tanggal 2021-04-30.