Duit
(dialihkeun ti Artos)
Duit nyaéta hiji banda anu boga satuan itung anu biasana bisa dipaké pikeun alat mayar anu sah dinu sagala transaksi anu dilakukeun di salah sahiji wilayah nu tangtu.[rujukan?] Duit diciptakeun pikeun ngalancarkeun kagiatan tukeur-tukeuran barang jeung perdagangan.[rujukan?] Para ahli ékonomi biasana méré pangartian anu rupa-rupa ngeunaan duit.[rujukan?] Sanajan kitu, tapi angger nu pokona mah sarua nyaéta banda anu biasa dipaké pikeun alat pamayaran anu sah tangtuna.[1]
Di handap ieu aya sababaraha pangartian duit ti sababaraha ahli
édit- Ceuk Albert Gailort Hart: Dinu bukuna anu judulna Money Debt and Economic Activity, anjeunna ngahartikeun yén duit téh salaku kakayaan anu di piboga pikeun ngalunasan hutang dinu jumlah nu tangtu jeung dinu waktos anu tangtu ogē.[2].
- Ceuk A.C. Pigou: Dinu bukuna anu judulna The Veil of Money, anjeunna nétélakeun yén duit téh nyaéta nanaon baé anu umum anu dipaké pikeun alat tukeur.[2]
- Ceuk R. S. Sayers: Dinu nukuna nu boga judul modérn Banking, anjeunna nétélakeun yén duit téh sagala rupa anu umum anu ditarima pikeun mayar hutang.[2]
- Ceuk D.H Robertson: Duit nyaéta sagala rupa banda anu umum ditarima pikeun alat babayaran pikeun barang-barang atawa pikeun ngalunasan kawajiban nu séjénna dina dunia usaha.[1]
Pungsi duit
éditPungsi duit di antarana:[1]
- Alat tukeur (Medium of exchange)
- Kasatuan standar niléi
- Alat pikeun ngahimpun kabeungharan (Store of value)