Basisir Karang Nini

Basisir Karang Nini mangrupa salah sahiji tempat wisata anu aya di kabupatén Pangandaran. Masih loba wisatawan anu teu apal yén aya deui wisata basisir anu teu éléh kaéndahanana siga basisir Pangandaran nyaéta basisir Karang Nini anu kasohor ku caritana nyaéta ngeunaan batu karang anu badag jeung dipercaya éta téh mangrupa jelmaan salah saurang tokoh dina jaman baheula. Pikeun lokasina, basisir Karang Nini téh aya di lelewek leuweung produksi, jarakna upama ti jalan raya Pangandaran mah kurang leuwih 2,5 kilometèr. Pikeun alamat lengkapna, Karang Nini ayana di Désa Emplak, Kacamatan Kalipucang, Kabupatén Pangandaran, Jawa Barat.