Batu Tritangtu
Batu Tritangtu nyaéta salah sahiji artéfak hasil kabudayaan Sunda.[1] Tritangtu atawa tilu tangtu, asal na tina basa sansekerta nyaéta tantu.[1] Ieu istilah ngakar tina kecap Tan nu miboga harti ramat lancah, jeung tantu nu hartina bola (benang) atawa iketan.[1] Sedengkeun nu dimaksud batu Tritangtu nyaéta batu nu wanguna juru tilu, sarta mangrupa salah sahiji artéfak Budaya Sunda.[1]. Batu Tritangtu atawa batu nu miboga juru tilu, loba kapanggih di situs Gunung Padang.[2] Batu tritangtu mangrupa batu nu miboga juru tilu, sarta ngagambarkeun ayana tilu kalungguhan nu penting dina kahirupan urang sunda, nyaéta Rési, Ratu, Rama.[2] Sok disebut ogé ku Rési ngagurat cai, Ratu ngagurat batu, jeung Rama ngagurat taneuh.[2] Disebut batu tritangtu ku sabab ku kapendakna éta batu, beuki jelas ogé yén di tatar Sunda téh aya asas anu dicekel pageuh, nyaéta asas tritangtu.[2]
Rujukan
édit- ↑ a b c d Sumardjo, Jacob. 2011. Sunda Pola Rasionalitas Budata. Bandung: Kelir, Tritangtu Sunda.
- ↑ a b c d Batu Tritangtu Situs Gunung Padang Archived 2014-12-05 di Wayback Machine
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |