Curug Taringgul
Curug Taringgul mangrupikeun salasahiji objék wisata cai nu aya di Kabupatén Pangandaran. Ayeuna, Curug Taringgul tos ganti ngaran janten Curug Ciparakan[1]. Curug ieu lokasina aya di Kecamatan Cijulang, nyaeta di Dusun Cibuluh Désa Kertayasa. Saderek tiasa ngakses ieu curug nganggo kalawan gampil kumargi aksès jalan tiasa dilangkungan nganggo kendaraan roda 2 atanapi roda 4. Jarakna mung 30 menit ti obyék wisata Green Canyon, Cijulang[2].
Salasahiji anu terkenal tina Curug Taringgul atawa Curug Ciparakan nyaéta ayana fasilitas body rafting atanapi papalidan. Wisatawan tiasa mapay walungan ngalangkungan papalidan sareng rombonganna bari ningalian éndahna pemandangan nu aya di sabudeureun Curug Taringgul. Hargina ogé kalebet mirah. Wisatawan cekap mayar Rp. 150.000 per 5 urang kanggo paket Bukit Taringgul Body Rafting atanapi Rp. 110.000 per 5 urang kanggo paket Curug Ciparakan Body Rafting.
Salian ti papalidan, kaéndahan Curug Taringgul ogé aya dina kaendahan curugna. Ku kaéndahanana, wisatawan tiasa ngabadikeun momen anu kacida instagramablena. Cai anu herang tur asri janten pangbebetah kanggo unggal panon anu ningalina. Teu jarang, seueur wisatawan anu ngajadikeun Curug Taringgul kanggo destinasi wisata langganan saban taunna.
Curug Taringgul tiasa diaksés unggal dinten ku saban-saban warga. Jam operasionalna dikawitan ti tabuh 8 enjing-enjing dugika tabuh 5 sonten. Khusus dina dinten Jumaah, Curug Taringgul dibuka ti tabuh 1 siang dugika 5 sonten.
Rujukan édit
- ↑ "Curug Taringgul, Wisata Air Terjun Di Pangandaran, Bisa Body Rafting Loh - NativeIndonesia.com". www.nativeindonesia.com (dalam Indonesian). Diakses tanggal 2024-02-03.
- ↑ "myPangandaran - Informasi Pangandaran Terlengkap". www.mypangandaran.com. Diakses tanggal 2024-02-03.