Enéng atawa Eneng téh nyaéta hiji ngaran nu ilahar dipaké keur ngaranan urang Sunda awéwé.

Asal kecap édit

Dimimitian tina kecap “ra” anu hartina pohara atawa punjul sarta kecap “hadian” anu hartina "manusa nu boga haté mulya", karuhun urang Sunda jeung urang Jawa nyieun gelaran “rahadian” pikeun ménak. Satuluyna, sawatara generasi saterusna, kecap “rahadian” karasa panjang teuing diucapkeunana antukna disingket jadi rahadén. Generasi satuluyna masih ngarasakeun yén kecap rahadén ogé panjang teuing, ku kituna dirobah ucapanana jadi “radén”. Kecap “radén” loba kapanggih di kapuloan anu ayeuna jadi Indonésia, kaasup di pulo Jawa bagian kulon.

Masarakat di bagian kulon pulo Jawa ti mangsa bihari mindeng nyingket sebutan “radén” jadi “adén” pikeun ménak lalaki ngora sarta “ndén” pikeun ménak awéwé ngora. Satuluyna kecap-kecap ieu leuwih jembar pamakéanan; sebutan “adén” sarta “ndén” dipaké ogé pikeun anggota masarakat séjénna, biasana pikeun kulawarga anu dipihormat atawa beunghar.

Di Jawa Kulon, sebutan “ndén” mindeng ogé dijadikeun ngaran awéwé nyaéta Néndén.

Kecap “ndén” ogé ngalaman parobahan pengucapan jadi “enén”. Leuwih laér, kecap “enén” robah pengucapan jadi “enéng”.

Inohong-inohong nu make ngaran Eneng édit