Élmu ukur
(dialihkeun ti Géométri)
Élmu ukur atawa géométri (tina basa Yunani γεωμετρία; géo = bumi, metria = ukar-ukur) sacara harafiah hartina ulikan ngeunaan ukar-ukur bumi, nyaéta cabang tina matematika anu ngulik hubungan dina jero rohang.
Élmu ukur munggaran édit
Catetan munggaran ngeunaan élmu ukur bisa disusud nepi ka ka jaman Mesir kuno, peradaban landeuheun Walungan Indus sarta Babilonia. Peradaban-peradaban ieu dipikanyaho ngabogaan kaahlian dina irigasi, ngandalikeun caah sarta ngawangun wangunan nu gararedé. Lolobana élmu ukur Mesir kuno jeung Babilonia kawates ngan dina utang-itung panjang ségmén-ségmén garis, lega, jeung eusi (volume).