Guha Lanang

Guha Lanang nyaéta guha anu perenahna di sabudeureun basisir Pangandaran, Kabupatén Pangandaran disebut guha Lanang sabab di jerona aya déposit anu wangunna siga rarangan lalaki. Nurutkeun carita, guha ieu kungsi jadi karaton kahiji Karajaan Galuh, sedengkeun karaton kadua di Karangkamuyaan Ciamis. Raja Galuh téh saurang (lanang) nu keur ngumbara.

Guha Lanang Tulisri aya di Désa Tulisri, Kacamatan Parigi, tepatna di Kabupatén Pangandaran jeung bisa ditempuh ti Pangandaran kurang leuwih 1,5 jam. Di jalan ka walungan ieu, anjeun bakal disuguhkeun ku suasana padésaan kalayan kaéndahan alamna nu éndah tur unik nu mangrupa bagian tina pangalaman pakét arung jeram.

Hal unik ngeunaan Guha Lanang nyaéta urang bisa langsung luncat ka titik arung jeram anu jangkungna kurang leuwih 10 méter. Sajaba ti éta tempat arung jeram di dieu urang bakal mapay-mapay guha anu panjangna 360 méter, sarta bakal manggihan tempat aya anu mirupa karajaan kalong, ku sabab loba kalong dina tembok luhur guha. Saacan arung jeram dimimitian, barang-barang bawaan saperti baju ganti jeung barang séjénna bisa disimpen di tempat panyimpenan jeung bisa dikumpulkeun dina titik finish. Upama urang hayang mawa kaméra, dompét jeung ponsel, bisa disimpen dina kantong garing anti cai anu disadiakeun ku perusahaan jasa arung jeram.

Persiapan satuluyna nyaéta ngadéngékeun parentah jeung arahan bari maké jékét pelampung, hélm jeung sénter anu geus disadiakeun. Pilih ukuran anu pas sangkan urang ngarasa nyaman. Kaamanan jeung kanyamanan dina lalampahan ieu kudu diutamakeun. Dina perjalanan arung jeram ieu urang bakal nyaksian rupa-rupa pamandangan Guha Lanang anu masih asri tur pinuh ku suasana nu héjo, sora récétna manuk, sarta pamandangan sawah.

Sanggeus capé ngararasakeun arung jeram jeung ulin ka cai salila kurang leuwih 3 jam, tangtu kalaparan, tapi tangtuna bakal disuguhkeun dahar beurang anu disadiakeun husus pikeun pamilon arung jeram. Lalampahan arung jeram ieu cocog pikeun umur ti mimiti 4 nepi ka 65 taun.