Jaarbeurs: Béda antarrépisi

'''Jaarbeurs''' nyaéta pakumpulan pangusaha anu sataun sakali ngayakeun kasempetan pikeun mintonkeun atawa mamérkeun saniskara barang daganganana. <ref name="Lembur">Sjarif Amin. 1964. Lembur Kuring. Ganaco. Bandung</ref> Biasana barang anyar, boh buatan di urang boh buatan luar negri.<ref name="Lembur"></ref> Henteu ngan ukur mangrupa paméran , tapi ogé mangrupa raraméan, lantaran dibarengan ku rupa-rupa tongtonan atawa hiburan anu aranéh, nu langka kapanggih sapopoéna.<ref name="Lembur"></ref> Malah nu euweuh di urang, ngahaja didatangkeun ti luar negri, dipaké narik publik.<ref name="Lembur"></ref> Bari jeung sok diayakeun rupa-rupa kongkur deuih, tur unggal taun ganti-ganti, tina rupa-rupa widang: [[olahraga]], [[kasenian]], [[karajinan]], jst.<ref name="Lembur"></ref> saperti pa[[panah]]an, [[langlayangan]], patapis-tapis nyetiran [[mobil]], [[koroncong]], [[ibing]], [[tembang]], [[penca]], [[ogél]], jrrd. <ref name="Lembur"></ref>

Bintang (medali) [[emas]] atawa [[pérak]] atawa [[parunggu]], jeung diploma biasa dibagikeun ka nu unggul atawa ka nu dianggap punjul bubuatanana, cara barang nu dipintonkeunana mah, boh barang anyaman, boh ukiran atawa tatahan jst.<ref name="Lembur"></ref> Dalah cara mintonkeun atawa mamérkeun barang-barang ogé milu dipeunteun, nu tétéla punjul ti batur mah dibéré hadiah atawa diploma.<ref name="Lembur"></ref> Jaarbeurs di Bandung boga tempat nu baku jeung adegan nu tetep.<ref name="Lembur"></ref>

Jaarbeurs nyaéta bursa dagang taunan anu diayakeun di [[Bandung]] ti mimiti taun [[1920]] tepi ka taun [[1949]] kalawan diprakarsaan ku pakumpulan [[Bandung Vooruit]] (Bandung Maju).<bapuspidaref name="bapusipda">http://bapusipda.jabarprov.go.id/infusions/galeri/photodesc.php?id=49 diaksés 15 Oktober 2011</ref> tiTi taun 1920 tepi ka [[1924]] Jaarbeurs dilaksanakeun di aréa beulah kidul lapangan olahraga [[NIAU]] (Nederlandsch Indische Athletiek Unie), anu ayeuna jadi [[Gelora saparua]], dina wangunan semi permanén.<ref name="bapusipda"></ref>

Kakara dina taun [[1925]] gedong utama Jaarbeurs di [[Menadostraat]] 50 (ayeuna jalan[[ Aceh]]) diadegkeun ku kontraktor [[G.J. Bel]] dumasar kana karya arsiték [[C.P. Wolff Schoemaker]] ([[1882]]-[[1949]]).<ref Gedungname="bapusipda"></ref> Gedong Jaarbeurs maké gaya arsitéktur [[Art Deco]] kalawan tilu arca torso [[Atlas]] sitaranjang di bagian suhunanana jeung tulisan Jaarbeurs di bagian handapna.<ref name="bapusipda"></ref> Dina mangsa harita acara Jaarbeurs dina bulan Juni-Juli mangrupa titik puncak karaméan kota Bandung.<ref name="bapusipda"></ref>

Ti taun [[1942]] ieu acara tara diayakeun deui.<ref name="bapusipda"></ref> Dina jaman pendudukan [[Jepang]] gedong Jaarbeurs dipaké [[kamp interniran]].<ref name="bapusipda"></ref> Dina taun [[1945]]-1949 ieu gedong dijadikeun markas militér Belanda MTD ([[Motor Technische Dienst]]).<ref name="bapusipda"></ref> Ti taun 1949 kadieu urut gedong Jaarbeurs dijadikeun markas militér [[TNI AD]]. Salasaurang komandanna kungsi nutupan tilu arca Atlas ku triplék lantaran dianggap vulgar.<ref name="bapusipda"></ref> Ayeuna gedong Jaarbeurs dijadikeun gedong [[MAKODIKLAT]] TNI-AD (Markas Komando Pendidikan dan Latihan).<ref name="bapusipda"></ref> Urut gedong lokét paragi ngajual karcis Jaarbeurs jadi garduh jaga.<ref name="bapusipda"></ref> Ti taun [[2005]] gedong Jaarbeurs bisa diséwa pikeun tempat résépsi kawin.<ref name="bapusipda"></ref>