Belut

Belut
Belut sawah Monopterus albus
Klasifikasi ilmiah
Karajaan:	Animalia
Filum:	Chordata
Kelas:	Actinopterygii
Ordo:	Synbranchiformes
Subordo:	Synbranchoidei
Kulawarga:	Synbranchidae
Genera
Macrotrema Monopterus Ophisternon Synbranchus

Belut ngaran salah sahiji jenis lauk cai anu wangun awakna buleud manjang tur ngan miboga cécépét tonggong sarta awakna leueur. Belut karesepna ngadahar anak lauk anu laleutik kénéh. Biasana hirup di sérang-sérang, di ranca-ranca sarta di walungan leutik. Di Indonésia ti saprak taun 1979, belut mimiti dipikawanoh tur dipikaresep minangka bahan kadaharan, nepi ka ayeuna belut loba dibudidayakeun sarta jadi salah sahiji komoditas ékspor. Belut ngandung protein anu lumayan luhung. Jumlah protein anu aya dina daging belut kurang leuwih sarua jeung jumlah protein anu aya dina daging sapi, sarta leuwih luhung batan jumlah protein dina endog. Lian ti eta, belut oge ngandung asam essensial, asam nonessensial, fosfor, zat beusi, vitamin A, jeung vitamin B. Fosor nu aya dina belut leuwih loba batan nu aya dina endog, mangpaat pikeun kasehatan tulang pikeun nyingkahan osteoporosis, sedengkeun zat beusi mah mangpaatna pikeun ngalancarkeun aliran getih sangkan teu kataranjang kasakit 5L (lemah, letih, lelah, lesu, lunglai). Ari vitamin A alus pikeun kasehatan panon jeung sistem reproduksi, sedengkeun vitamin B alus pikeun ngembangna uteuk, ngawangun sel darah merah, jeung protein dina awak urang.