'''Bayawak''' téh taya lian [[kulawarga (biologi)|kulawarga]] '''Varanidae''', golongan [[bangsa kadal|kadal]], kaasup [[komodo]], nu ukur ngawengku hiji [[genus]]: '''''Varanus'''''.
Di [[Australia]], bayawak téh katelah [[goanna]].
==Sawangan évolusi==
Di dunya sato, bayawak téh dianggap bangsa kadal nu paling maju, sabab [[métabolisme]] awakna kaitung gancang pikeun [[réptil]] mah. Kapunjulan lianna nyaéta adaptasi sénsorik nu nguntungkeun nalika moro mangsa nu hirup, sarta rahang nu leuwih handap pikeun ngahuapkeun mangsa nu badag. Hasil panalungtikan nunjukkeun yén kadal Varanid, kaasup [[komodo]], téh [[peurah]]an, di sagigireun ayana rupa-rupa [[baktéri]] dina sungutna. Tapi, peurahna téh ukur nyangkrung dina dasar [[huntu]]na, teu kawas [[oray]] nu nyuntikkeun peurah ka mangsana nalika digégél.