Ijén
Ijén atawa duél nyaéta diaduna antara dua urang pikeun ngaréngsékeun pasualan boh ngagunakeun pakarang atawa henteu, di tempat jeung dina waktu nu geus ditangtukeun.[1] Sok disebut ogé palagaan saurang lawan saurang.[2] Larapanna, sarupaning adu-aduan atawa babalapan sok disebut ijén, utamana mah sagala parebutan hiji lawan hiji wéh, sakapeung mah sok disebutna téh patutunggalan.[3] Teu sakabéh patutunggalan bisa disebut ijén, da kajadian samodél palagaan Perang Dunya I jeung Perang Dunya II mah teu bisa disebut ijén, lantaran sasat nagara-nagara nu diaradu téh silih hurup atawa ilahar disebut sekutu.[3] Iwal perang antara Jepang jeung Rusia, éta mah kagolong kana perang ijén.[3]
Di sawatara wewengkon di dunya, tradisi ijén geus dipikawanoh sarta dilarapkeun dina pangperangan. Saméméh derna bitotama, disapukkeun heula pikeun ngalaksanakeun ijén atawa henteuna. Mun sapuk pikeun dilaksanakeun ijén, ké bisa teu diperlukeun deui bitotama nu leuwih badag, sarta tanpa kudu ngorbankeun kabéh pasukan. Mun cukup ku ijén, nu maju ka médan laga kur saurang minangka wawakil, dipilih dumasar kamampuh galunganna atawa diwakilan ku panglima perangna. Sakapeung sok dilarapkeun ogé ieu ijén nika babaraha kali rintakan, nepi ka salah sahiji ti dua beulah pihak aya nu taluk, atawa béak kabéh jawara andelanna.
Rujukan
édit- ↑ "Hasil Pencarian - KBBI Daring". kbbi.kemdikbud.go.id. Diakses tanggal 2018-04-16.
- ↑ "Arti Kata "duel" Menurut Kamus Besar Bahasa Indonesia | KBBI.co.id". kbbi.co.id (dalam Indonesian). Diakses tanggal 2018-04-16.
- ↑ a b c Danadibrata, R.A. (1 Desember 2009). Kamus Basa Sunda R.A. Danadibrata. Bandung: Kiblat Buku Utama. p. 263. ISBN 9793631937.