Indomaret
Indomaret mangrupa jaringan minimarkét anu nyadiakeun kabutuhan pokok jeung kabutuhan sapopoé anu panghasilana kurang ti 200 M2.[1] dikokolakeun ku PT Indomarco Prismatama, toko munggaran perenahna di Ancol, Jakarta Utara, dina taun 1988.[1]
Sejarah singget Indomaret édit
Gerai Indomaret mimiti diadegkeun dina November 1988 di Kalimantan ku PT Indomarco Pratama sarta ngusung konsép toko ritel minimarket nu ngajual rupa-rupa kabutuhan sapopoé dina jero toko nu ukuranna kurang tina 300 M2.[2] Ngokolakeun dina wangun waralaba anyar diwanohkeun dina taun 1997.[2] Dina mangsa harita jumlah gerai Indomaret geus aya 230 siki.[2] Dina taun mimiti penawaran gawé bareng waralaba, mung dua gerai waralaba nu diadegkeun.[2] mung sanggeus éta kamekaran gerai waralaba Indomaret mesat pisan.[2] Dina taun 2008 jumlah gerai Indomaret nepika 3039 gerai, di mana 1289 di antarana nyaéta gerai waralaba téa.[2] Taun 2009 jumlah gera indomaret jadi 3892, di mana 1736 nyaéta gerai waralaba.[2] Sedengkeun 2010 nepika 4955 gerai, sarta gerai waralaba sajumlah 1897.[2] Kamekaran nu signifikan ieu ngabuktikeun yén Indomaret mangrupa salah sahiji tawaran waralaba nu ngirut minat investor.[2]
Waralaba Indomaret édit
Dina taun 1997 Indomaret ngawanohkeun sistem kamitraan kapamilikan jeung ngokolakeun gerai ku cara waralaba.[1] Nepika Mei 2010 geus aya sajumlah 4261 gerai.[1] Nu kaasup kana mitra usaha waralaba ieu nyaéta koperasi, badan usaha jeung perorangan.[1] Sistem waralaba Indomaret meunangkeun panghargaan ti Presiden Republik Indonésia salaku Perusahaan Waralaba Nasional, dina taun 2003.[1]