Kélék
Kélék (basa hormat: Ingkab atawa Déhé) nyaéta aréa dina awak manusa handapeun sandi panyambung lengan luhur jeung taktak. Kélék téh salah sahiji bagéan awak nu sénsitif nalika dilékéték jeung deuih mangrupa bagéan awak anu teu kadeuleu. Dina ieu kélék aya kalenjar késang nu sok nyumebabkeun kélék jeung buluna jadi baseuh waé.
| Kélék | |
|---|---|
 | |
 Kélék lalaki | |
| Rincian | |
| Pengenal | |
| Latin | Axilla |
| TA | A01.1.00.021 |
| FMA | Citakan:FMA |
| Terminologi anatomi | |
Sacara anatomis, kélék kacangcang dina bagéan anterior otot pectoralis major jeung otot pectoralis minor, jeung bagéan posterior ku otot subscapularis jeung tulang walikat. Tuluy dina bagéan medialna ku otot serratus anterior sarta bagéan lateral ku otot coracobrachialis jeung bagéan caput brevis tina otot biceps brachii.
Bulu kélék mindeng jadi dina kélék, boh lalaki atawa awéwé. Patuwuhan bulu ieu dimimitian ti saprak masa pubertas. Ilaharna dina awéwé, bulu éta dicukur lamun geus cukup leubeut. Tapi, kiwari loba lalaki ogé anu nyukur bulu kélékna pikeun ngajaga kasohorannana salaku saurang modél atawa atlit, jeung lain sajabana.
Loba élmuwan manggihan yén kulit dina kélék manusa téh mangrupa tempat panglobana dicicingan ku baktéri. Dina sisikan kulit salega sa inci pasagi, dina kélék bisa aya nepi ka 516.000 baktéri.