Jamburaya
Bangsa Jamburaya nyaéta pirang-pirang beungkeutan masarakat anu hirupna pindah-pindah tempat ti tempat hiji ka tempat séjénna di padang pasir atawa wewengkon nu hawana tiis, tinimbang tumetep di hiji tempat. Masarakat anu pundah-pindah tempat tapi bukan di padang pasir atawa daérah hawa tiis, disebut minangka kaom gipsi. Loba kabudayaan baheulana sacara tradisional hirup maké cara jamburaya, ngan éta kabiasaan tradisional jamburaya téh mingkin dieu mingkin ditaringgalkeun di nagara-nagara anu geus kakeunaan industrialisasi.
Aya tilu rupa kahirupan jamburaya, nyaéta moro-kukumpul (hunter-gatherers), ngangon (pastoral nomads), jeung ngalalana (peripatetic nomads). Moro-kukumpul nyaéta cara mertahankeun hirup anu panglilana lumangsung dina sajarah manusa, jeung anu marigawéna pipindahan nuturkeun usum pepelakan liar jeung sato boroan. Tukang ngangon miara inguan bari pindah ka tempat séjén bareng jeung inguanana, supaya jukut na hiji tempat henteu nepi ka béak jeung henteu bisa dioméan deui. Kaom lalana umumna loba di nagara-nagara anu geus nyorang industrialisasi, ieu jalma-jalma pindah-pindah tempat pikeun menawarkan barang dagangan di unggal tempat anu kasorang.
Kabiasaan jamburaya aya di wewengkon jazirah Arab, Afrika, sawatara sélér bangsa di Indonésia anu naréangan lahan pikeun sumber kadaharan, sato inguan, sato boroan, ngahuma, jeung salian ti éta.