Jarong lalaki
| Achyranthes aspera | |
|---|---|
| |
| Jukut jarong | |
| Klasifikasi ilmiah | |
| Karajaan: | Plantae
|
| Divisi: | Tracheophyta
|
| Ordo: | Caryophyllales
|
| Kulawarga: | Amaranthaceae
|
| Génus: | Achyranthes
|
| Spésiés: | Achyranthes aspera
|
Jarong lalaki; Achyranthes aspera; nyaéta tutuwuhan anu asalna tina kulawarga Amaranthaceae. Loba kapanggih hirup di sakuliah wewengkon tropis, jarong sok disebut ogé jarong wungkul, अपामार्ग Apamarga (Sanskerta)).[1] Ieu tutuwuhan loba kapanggih hirup di sababaraha tempat mangrupa rungkun.[2] Ieu tutuwuhan kasebut spésiés invasif di sababaraha daérah, kaasup sababaraha daérah di Kepulauan Pasifik.[3]
Ciri mandiri édit
Jukut jarong mibanda ciri anu mandiri, tangkalna ngawujud siku opat kalayan mibanda loba dahan; daunna nunggal kalayan mibanda cupat, wujudna lonyod kawas endog. Panjang daun kurang leuwih 1,5-10 cm, palebah luhur jeung handap daun baruluan.[4]
Guna jeung mangpaat édit
Akar jarong sok dimangpaatkeun pikeun ngubaran galingging jeung bareuh balukar tina gondongeun. Hasiat jarong ieu alatan kandungan/sipat antiinflamasi anu dipibanda ieu tutuwuhan. Sagigireun éta, jarong ogé mibanda éfék farmakologis séjén anu mibanda kagunaan pikeun ngubaran kasakit gondongeun. Sebut waé, jarong bisa nguatkeun otot jeung urat anu kaku balukar tina serangan kasakit gondongeun ieu.[4]
Kandungan kimia édit
Dumasar kana panalungtikan anu geus dilakukeun, dipikanyaho ti sakabéh bagéan tutuwuhan jarong ieu mibanda: reilosa, galaktosa, glukosa, akirantin, alkaloid. Sikina mibanda kandungan sapogenin, hentriakontan. Akarna mibanda kandungan triterpenoid,saponin, cedysterone.[4]
Ékologi édit
Jarong mangrupa tutuwuhananan anu ngarungkun, hirupna nahun kalayan jangkungna bisa nepi ka 1 méter, hirup liar di sisi jalan, taneuh kosong, di tegalan, hirup di daérah landeuh nepi ka tonggoh, daérah garing anapon jemlék. Tangkalna ngawangun kai wujudna siku opat dahana héjo semu coklat. Daun nunggal bijil pasingareup-singareup, buleud lonyod puhuna méncos. Kembangna bijil dina bulir/gagang anu panjang, tungtungna ajeg, bijil dina tungtung gagangna, kelirna bulao. Bulir buah leutik, buleud tur teuas.[4]
Dicutat tina édit
- ↑ "Achyranthes aspera in Flora of North America @ efloras.org". www.efloras.org. Diakses tanggal 2019-09-02.
- ↑ "Taxonomy - GRIN-Global Web v 1.10.5.0". npgsweb.ars-grin.gov. Diakses tanggal 2019-09-02.
- ↑ "Achyranthes aspera: info from PIER (PIER species info)". www.hear.org. Diakses tanggal 2019-09-02. Archived 2022-12-10 di Wayback Machine
- ↑ a b c d "Mengenal Tanaman Jarong". banten.litbang.pertanian.go.id. Diakses tanggal 2019-09-02.
Tutumbu kaluar édit
- Flora of North America Archived 2022-12-10 di Wayback Machine
- GRIN Species Profile
- Pacific Island Ecosystem at Risks
| Wikimedia Commons mibanda média séjénna nu patali jeung Achyranthes aspera. |