Jojogan
Jojogan nyaéta salah sahiji objék wisata nu aya di Kabupatén Pangandaran. Objék wisata Jojogan perenahna nyaéta aya di Dusun Gunungtiga Desa Cintaratu Kacamatan Parigi. Jojogan nyadiakeun kaéndahan alam, saperti curug, tutuwuhan anu haréjo, ogé bisa ningali legana laut Pangandaran, sabab Jojogan ieu aya dina lahan anu luhurna 1000 mdpl nu hartina tempat ieu téh lamun diukur tina luhuran cai laut aya 1000 méter luhurna ku kituna laut Pangandaran bisa katingali kalayan jelas.[1]
Baréto Jojogan jadi salah sahiji tempat nu dipikaresep ku wisatawan, sabab di Jojogan tiasa ningali curug, kokojayan di walungan jeung bisa popotoan anu latar tukangna kaéndahan alam. Ngan hanjakal pisan Jojogan jadi salah sahiji tempat nu dipikaresep ku wisatawan téh ayeuna mah ukur tinggal carita.[2]
Kaéndahan alam jeung sagala hal nu baréto dipikaresep di Jojogan sabenerna mah angger keneh, tapi ku sabab henteu dikelola ku cara anu bener Jojogan jadi ditinggalkeun ku para wisatawan.
Rujukan
édit- ↑ Holiday, Mawa. "Wonder Jojogan Hill Pangandaran - Review Lengkap Terbaru". Mawa Holiday (dalam Indonesian). Diakses tanggal 2024-02-03.
- ↑ Fadillah, Aldi Nur. "Jojogan Hills di Pangandaran Kini Tinggal Kenangan". detikjabar (dalam id-ID). Diakses tanggal 2024-02-03.