Kananga
| Kananga | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | Cananga
|
| Spésiés: | C. odorata
|
| Ngaran binomial | |
| Cananga odorata | |
Kananga (Cananga odorata) nyaéta ngaran kembang tina tuwuhan anu mibanda ngaran anu sarua.[1] Kananga tumuwuh kalawan gancang nepi ka leuwih ti 5 méter pér taun sarta sanggup ngahontal jangkung rata-rata 12 méter. Tumuwuhna dirojong ku sinar panonpoé, sarta leuwih mikaresep taneuh anu mibanda kandungan asam dina jero habitat aslina di jero leuweung tadah hujan. Daunna panjang, lemes sarta hérang. Kembangna héjo semu konéng, muringkel kawas wangun béntang laut, sarta ngandung minyak atsiri anu seungit. Tina hasil panalungtikan yén ekstrak kembang kananga miboga peran sangkan teu dicoco reungit ku sabab ayanan kandungan linalool, geraniol, jeung eugenol.[2][3]
Tuwuhan ieu mangrupa tuwuhan asli di Indonésia jeung Filipina, sarta sawajarna dipelak di Polinésia, Mélanésia, katut Mikronésia. Di Indonésia, kembang kananga réa dipaké dina jero upacara-upacara husus saperti dina upacara kawinan. Kananga dijadikeun lambang idéntitas Propinsi Sumatera Kalér.[3]
Dicutat tina
édit- ↑ Jonathan, Rigg; Jonathan (1862), A Dictionary of the Sunda Language of Java, Universitas Harvard: Bataviaasch Genootschap van Kunsten en Wetenschappen, p. 194
- ↑ [1] Archived 2010-05-22 di Wayback Machine (Dicutat tanggal 31 Oktober 2011)
- ↑ a b Damayanti, Dewi; Agung Sugiarto, Tinton Dwi Putra, Novi Widianti, Nina Wulan Dari (2008). Buku Pintar Tanaman Obat: 431 jenis tanaman penggempur aneka penyakit. Jakarta: AgroMedia. p. 103. ISBN 9789790061941.
| Wikimedia Commons mibanda média séjénna nu patali jeung Cananga odorata. |