Koma nyaéta tanda baca anu mibanda rupa mirip apostrop atawa tanda petik tunggal mung ditempatkeun dina garis dadasar tulisan.[rujukan?] Babaraha jenis aksara ngagambarkeunna minangka hiji garis leutik anu rada melengkung atawa kadang lempeng, atawa saperti angka salapan anu dieusi bagéan bolongna.[rujukan?] Tanda koma dipaké dina loba konteks jeung basa, umumna minangka pamisah.[rujukan?] Numutkeun Oxford English Dictionary, kecap ieu asalna tina basa Yunani: komma (κόμμα) nu hartina hiji hal anu dipotong atawa klausa pondok.[1]

Tanda Baca Koma

Pamakéan jeung Panempatan Tanda Koma édit

  1. Tanda koma dipaké di antara unsur-unsur dina hiji pajéntréan atawa pawilangan.[2]
    Misalna:
    Simkuring meuli kertas, balpén, jeung patlot
  2. Tanda koma dipaké pikeun misahkeun kalimah satara nu hiji tina kalimah satara salajengna nu dipiheulaan ku kecap tapi atawa namung.[2]
    Misalna:
    Simkuring téh tos badé angkat, namung kabujeng breg hujan.
  3. Tanda koma dipaké ditukangeun kecap atawa ébréhan panghubung antarkalimah nu aya dina awal kalimah. Kaasup ogé di jerona ku sabab kitu, ku lantaran kitu, jadi, ti nimbang kitu, jsb.[2]
    Misalna:
    ......ku sabab kitu, urang kedah ati-ati.
  4. Tanda Koma dipaké pikeun misahkeun kecap saperti o, nya, wah, aduh, euleuh tina kecap séjén nu aya dina sakalimahna.[2]
    Misalna:
    Wah, kacida pisan!
  5. Tanda koma dipaké pikeun misahkeun petikan langsung tina bagéan séjén dina sakalimahna.[2]
    Misalna:
    “Padahal mah ku uing gé geus dibeunyeurbéaskeun pan,” kocap Udin
  6. Tanda koma dipaké diantawis ngaran jeung alamat, bagéan-bagéan alamat, tempat jeung kaping ogé ngaran tempat jeung wilayah atawa nagara nu ditulis runtut.[2]
    Misalna:
    Sadérék Abdulloh, Jl. Siliwangi 10, Sukabumi
    Sukabumi, Jawa Barat
    Serat ieu téh dialamatkeun ka Ponpes Qurrotiyyah, Yayasan Sentra Buana, Jl. Babakanjaya 6, Sukabumi
    Sukabumi, 13 Nopémber 2014
  7. Tanda koma dipaké pikeun nyaritakeun bagéan ngaran tibalik dina daptar pustaka.[2]
    Misalna:
    Ramdani, Yusup. Wanci Nu Mustari. Sukabumi: Gramédia. 2014
  8. Tanda koma dipaké diantawis ngaran jalma jeung gelar atikan nu nuturkeunna pikeun ngabédakeun tina singkétan ngaran, kulawarga atawa marga.[2]
    Misalna:
    Rd. Ny. M. Alisyahbanna, S.Kom
  9. Tanda koma dipaké pikeun ngahindarkeun tina kasalahan maca.[2]
    Misalna:
    Dina ngabina jeung ngembangkeun basa, urang ngabutuhkeun sikep nu bener-bener.
  10. Tanda koma dipaké di hareup angka sapersapuluh atawa diantawis Rupiah jeung sén nu dilarapkeun kana mangrupa angka.[2]
    Misalna:
    12,5
    Rp. 1.550,50

Rujukan édit

  1. Wikipedia Bahasa Indonesia: Tanda koma
  2. a b c d e f g h i j Divisi Akademik Bintang Pelajar. Suplemen PTN Favorit: IPS. Bogor: Bintang Pelajar. 2008