Korsi
Korsi nyaéta pangdiukan saurangeun nu sukuna opat, jangkungna leuwih kurang sapanjang bitis kolot, sok disebut ogé korsih, korsi panjang bisa di diukan ku dua urang atawa leuwih.[1] bojod korsi nu pangdiukannana tina rarawat (ram) hoé nu rusak nepi ka lamun diuk téh birit bisa moncor ka hadap, sok disebut ogé bodol.[1]
Rupa-rupa korsi
édit- Korsi lipet, korsi nu bisa ditikelkeun lamun geus dipaké.[1]
- Korsi puter, korsi nu bisa muter ka gigir.[1]
- Korsi goyang atawa korsi dengklang, korsi saurangeun anu handapeunana tungtung suku hareup-tukang beulah kénca jeung beulah katuhu dipasang dua kai nu rada melengkung, nepi ka lamun gék didiukan téh bisa ceueut-ceueutan ka handap ka tukang.[1]
- Korsi sudut, nyaéta korsi anu biasaba tina bahan dasar busa.[2] Osok dipaké korsi paranti tamu.[2] Rupa-rupa korsi sudut :
- Korsi Sudut Jepara nyaéta korsi tamu anu maké bahan dasarna tina kai.[2] Anapon kai anu dipaké pikeun korsi téh nyaéta kai jati, mahoni.[2] Korsi sudut japara miboga ciri khasna nyaéta ayana motif ukiran.[2] Korsi sudut japara nepi ka ayaeuna loba paminatna boh di Indonésia boh di luar negri.[2] Ku sabab ayana ajén éstétis dina unggal karya-karya anu dijieun ku pengrajin jepara éta nu ngalantarankeun lobana peminat korsi sudut jepara.[2] Salain ti éta desain anu dinamis nu matak ngirut anu ningali.[2]
- Korsi sudut asmad hampir sarua jeung korsi sudut japara ku sabab ajén ukir anu dijualna.[2] Anu nyarieun korsi sudut asmad nyaéta pengrajin mébel jeung ukir jepara anu ahli jeung profesional dibidangna.[2] Ilaharna korsi sudut asmad miboga ukuran 2-2-1-sudut jeung méja, bahan dasarna kai jati solid finishing melamin jeung ukiran jepara, anu cocok pikeun ngeusian rohangan tamu, méré kesan elegan.[2]
- Korsi roda, nyaéta alat bantu anu dipaké ku jalma anu teu bisa leumpang.[3] Ieu alat téh bisa dimajukeun kalayan didorong ku nu lain, bisa ogé dipajukeun maké leungeun, atawa maké mesin otomatis.[3] Rupa-rupa korsi roda :
- Korsi roda manual, nyaéta korsi roda anu dipajukeuna ku leungeun anu maké korsi roda, bisa dipaké pikeun sagala kagiatan, beuratna kira-kira 21–24 kg.[3] Korsi roda manual teu bisa dipaké ku penderita cacat anu leungeuna cacat.[4]
- Korsi roda reclining, korsi roda ieu osok disebut korsi roda rebah.[3] Korsi ieu bisa disarandéan kalayan nyalsé ku sabab bisa di atur panyarandéanana kira-kira kemiringan ± 145°-180° saluyu jeung kabutuhan pasén.[3] Salain ti éta paranti paninjekan suku ogé bisa di atur, bisa di naékeun atwa di turunkeun.[4] korsi ieu biasana dipaké ku pasén annu boga panyakit stroke atawa pasén anu miboga masalah din tonggong.[3] Ku sabab korsi ieu aya bagian-bagian anu bisa diatur, lantaran kitu osok dipaké pikeun pasén anu keur therapy di luhur korsi roda ieu.[4]
- Korsi roda pikeun iinditan, korsi roda anu didésain simple beuratna kira-kira 12–15 kg.[3] modél korsi roda ieu leuwih trendy jeung loba jinisna, saperti rodana leutik saperti roda stroller, materialna dijieun tina bahan pilihan jeung warnana ogé matak ngirut[3]. Korsi roda (Wheelchair) mangrupa alat bantu médis pikeun mobilitas pasén, boh kagiatan di jero rohangan atawa di luar.[3]
- Korsi roda listrik nyaéta korsi roda anu dipajukeuna ku motor listrik anu biasana dipaké lalampahan jauh ku pasén. Ilaharna ieu korsi téh sok dipaké ku pasén anu cacat atawa cacat ganda nepi ka teu bisa majukeun korsi ku sorangan.[4] Cara majukeuna ngan saukur majukeun tuas saperti joystick.[4] Biasana ieu korsi téh aya alat pikeun ngeusi ulang batré anu bisa langsung diasupkeun dina stop kontak di imah.[4]
- Korsi roda olahraga, nyaéta korsi anu dipaké pikeun olahraga, kapasitasna nyaéta 1 roda di hareup saperti trike (sapeda roda tilu).[4] Mangrupa perangkat anu umum dipanggihan dina acara pekan olah raga atawa Olimpiade pikeun anu cacat.[4]
Galeri
édit-
korsi lipet -
korsi roda -
korsi goyang
catetan
édit- ↑ a b c d e [Danadibrata,R.A.(2006).Kamus Basa Sunda.Bandung: Kiblat Buku Utama.]
- ↑ a b c d e f g h i j k Kursi Sudut Asmad Archived 2012-01-10 di Wayback Machine (Dicutat tanggal 15 Oktober 2011)
- ↑ a b c d e f g h i Kursi Roda Archived 2011-10-31 di Wayback Machine (Dicutata tanggal 15 Oktober 2011)
- ↑ a b c d e f g h Sejarah Korsi Roda dan Perkembangannya Archived 2011-11-10 di Wayback Machine (Dicutata tanggal 15 Oktober 2011)