Kurikulum Merdéka
Kurikulum Merdéka nyaéta kmurikulum pangajaran intrakulikuler anu miboga rupa-rupa kontén leuwih optimal sangkan siswa miboga cukup waktu pikeun neuleuman konsép jeung ngaronjatkeun pangabisa (kompeténsi). Guru dibébaskeun pikeun milih pakakas bahan ajar anu disaluyukeun jeung kabutuhan diajar sarta minat siswa. Udaganana nyaéta bisa ngawujudkeun pangajaran anu berbasis projek sarta bisa ngahontal Profil Pelajar Pancasila anu keur dimekarkeun ku pamaréntah. Ieu projek teu diarahkeun pikeun ngahontal capaian hiji pangajaran hungkul, ku kitu ieu projek teu kawatesanan ku kontén hiji mata pelajaran hungkul.[1]
Karakteristik édit
Kurikulum Merdéka miboga karakteristik[2]:
- Fokus kana matéri ésénsial, tujuanana sangkan kagiatan pangajaran leuwih nyosok jero.
- Waktu pikeun mekarkeun kompeténsi jeung karakter ngaliwatan sistem kerja kelompok kontéks nyata (Projek Penguatan Profil Pelajar Pancasila).
- Capaian Pembelajaran diunggal fase sarta jam pangajaran fléksibel. Hal ieu disaluyukeun jeung kabutuhan para siswa jueng kaayaan sakola.
- Guru dibébaskeun pikeun milih bahan ajar sarta matéri pelatihan. Ieu hal miboga udagan sangkan guru bisa mekarkeun kurikulum di sakola sarta ngalaksanakeun kagiatan diajar anu optimal.
- Sistem gotong royong sakabéh pihak anu aya di sakola ngarojong pikeun ngawujudkeun implementasi Kurikulum Merdéka.
Prinsip édit
Pangajaran Intrakulikulér édit
Pangajaran intrakulikulér hartina pangajaran dilaksanakeun sacara terdiferensiasi, ku kituna siswa miboga cukup waktu pikeun neuleuman konsép jeung nguatkeun kompeténsi.[3]
Pangajaran Kokurikulér édit
Pangajaran kokurikuler mangrupa Projek Penguatan Profil Pelajar Pancasila.[3]
Pangajaran Ekstrakurikuler édit
Pangajaran ékstrakurikuler mangrupa pangajran anu dilaksanakeun saluyu jeung minat siswa jeung disaluyukeun jeung kaayaan sakola.[3]
Référénsi édit
- ↑ Saluran Informasi dan Pengaduan seputar Pendidikan dan Kebudayaan. "Buku Saku Tanya Jawab Kurikulum Merdeka" (PDF). Kemdikbud RI.
- ↑ Pusat Informasi Guru Kemdikbud. "Latar Belakang Kurikulum Merdeka".
- ↑ a b c Rosa, Nikita. "Apa Itu Kurikulum Merdeka? Ini Pengertian & Prinsip Pembelajarannya". detikedu (dalam id-ID). Diakses tanggal 2023-10-21.