Nafsiah Mboi
Nafsiah Mboi nyaéta menteri kaséhatan dina jaman Susilo Bambang Yudhoyono présidénna. Nalika éta, Nafsiah dinobatkeun jadi menteri pangkolotna lantaran diangken jadi menteri dina yuswa 71 taun. Nafsiah Mboi miboga ngaran lengkep Andi Nafsiah Walinono. Tempat ping gumelarna di Sengkang, Sulawesi Selatan, 14 Juli taun 1940. Ngaran "Mboi" téh nyokot tina ngaran salakina dr. Aloysius Benedictus Mboi, M.P.H. Salakina lain jalma samanéa, lantaran pernah janten Gubernur NTT di taun 1978-1988.[1]
Kasang Tukang
éditNafsiah Mboi mangrupakeun dokter spésialis pikeun budak. Manéhna nyiar élmu pangaweruh di Universitas Indonesia taun 1971 widang spésialis dokter anak di fakultas kedokteran. Gelar Master of Public Health dilakonan di Prince Leopold Institute of Tropical Medicine, Antwerp, Belgium, taun 1990. Nafsiah Mboi téh kantos miboga kalungguhan salaku Pegawai Negeri di Departemen Kesehatan (1964-1998), salaku anggota DPR (1992-1997), jeung Pegawai Perserikatan Bangsa-bangsa (1999-2002) pernahna nalika miboga jabatan salaku Direktur Department of Gender and Women's Health di World Health Organization Pusat di Geneva, Swiss.[2]
Préstasi
éditSababaraha préstasi anu kacangking ku Nafsiah Mboi di antarana Ramon Magsaysay Foundation Award for Government Service ti Ramon Magsaysay Foundation, Manila, Philippines (1986), Satya Lencana Bhakti Sosial ti Presiden Republik Indonesia (1989), Fellow of the Australia-Indonesia Institute (1993), penghargaan ti Asia HRD Congress (2008) jeung Penghargaan Soetomo Tjokronogoro ti PB-IDI (2009).[2]
Référénsi
édit- ↑ Widya, Arintha. "Profil Nafsiah Mboi, Perempuan Hebat yang Jadi Menteri Kesehatan di Usia 71 Tahun - Parapuan". Parapuan.co (dalam Indonesian). Diakses tanggal 2024-05-04.
- ↑ a b Liauw, Hindra. "Ini Profil Menkes Nafsiah Mboi". KOMPAS.com (dalam Indonesian). Diakses tanggal 2024-05-04.