Wikipédia

Operasi Varsity

Operasi Varsity nyaéta salah sahiji stratégi nu dipaké dina Perang Dunia II, tanggal 23 Maret 1945. Ieu operasi dirancang ku pasukan Sekutu ngaliwatan gempuran jalur udara, pikeun ngamankeun jeung ngawasa wewengkon Jerman Kulon.[1][2]

Kasang Tukang

édit
 
Péta rarancang operasi

Dina bulan Maret 1945, pasukan Sekutu geus maju ka Jérman jeung geus hasil nepi ka walungan Rhine.[3] Rhine téh mangsula walungan nu jadi rintangan alami kalawan matak susah pikeun kamajuan Sekutu.[4] Tapi lamun éta walungan bisa dipeuntasan, bakal ngamungkinkeun Sekutu pikeun ngaksés Dataran Jérman Kalér jeung ahirna tuluy maju ka Bérlin jeung kota-kota gedé lianna di Jérman Kalér.[5] Sanggeus ngalakukeun "Pendekatan Front Lega" anu ditetepkeun ku Jenderal Dwight David Einsenhowe, Panglima Pangluhurna Sekutu tina Pasukan Ekspedisi Sekutu, diputuskeun pikeun nyobaan nembus walungan Rhine di sababara titik.[6] Kadua divisi ngan reueuh tina pangperangan salila dua bulan, sanggeus réa nu jadi korban di Ardennes, Belgia.[7] Pikeun mastikeun ieu operasi sangkan suksés, Montgomery maksa sangkan komponén nu aya di udara diasupkeun kana rencana operasi, pikeun ngadukung serangan amfibi nu rék dilakukeun, tuluy ieu rencana dingaranan Operasi Varsity. Aya tilu divisi udara anu mimitina dipilih pikeun ilubiung dina ieu operasi, nyapta Divisi Airborne ka-6 Britania Raya, Divisi Udara ka-13 Amérika, jeung Divisi Udara ka-17 A.[8][9]

Operasi Udara Panggedéna dina Perang Dunia II

édit
 
Tentara nu anyar nepi ka darat di deukeut Wesel

Pasukan Sekutu anu geus ngumpul di sapanjang walungan Rhine ngalancarkeun invasina.[10] Sababaraha jam satuluyna, éta serangan téh jadi leuwih badag dua tikelan waktu pasukan darat diabantuan ku operasi udara kalawan aksi anu katémbong hébat pisan. Aya kapal-kapal udara, pasukan terjun payung, jeung tentara anu leuwih réa.[11] Kalawan leuwih ti 16.000 juru terjun payung jeung mangrébu kapal udara.[1][12] Ngan dina waktu sapoé, ieu serangan udara téh hasil mantuan pasukan Sekutu pikeun ngamankeun kaunggulanana di darta, jeung bisa ngawasa kota, désa jeung bénténg penting di Jérman.[13] Operasi Varsiti dianggap leuwih ti suksés, kalawan mangrupa kajadian sajarah, anu pinuh ku taktik jeung momen anu matak nineung. Pasukan Amérika geus meuntas walungan Rhine di dua lokasi nalika Marshal Inggris, Bernard Law Montgomery ngalakukeun serangan ti kalér.[1]

 
The Allied disposition in western Europe by March 1945.

Operasi Varsity nurut kana paréntah anu béda tina rencana mimiti, nyaéta Operasi Plunder, sanajan duanana mangrupa upaya gabungan.[14] Rencanana mah pikeun ngaganggu rupa-rupa pertahanan Jérman pikeun ngamankeun wilayah kalawan gancang. Ieu operasi maksudna pikeun ngadukung jeung mantuan pasukan darat Sekutu sangkan nepi kana tujuanana.[1] Upaya gabungan dua operasi éta jadi tanda dua pasukan nyerang walungan Rhine salila leuwih ti saabad.[15] Upaya sarupa kitu téh kungsi dipingpin ku Napoléon Bonaparté dina taun 1805, sarta hasil.[1] Divisi tempur Amerika pikeun éta serangan udara ka-17 téh diparéntah ku MG William M. (Bud) Miley, saurang perwira udara véteran anu kungsi ngajabat minangka asisten komandan divisi Airborne ka-82 waktu dipingpin ku Ridgway.[16]

Sababaraha pihak naksir yén tahapan éta serangan udara téh sabenerna mah hasilna teu diperlukeun pieun operasi dina sagemblengna. Montgomery dituduh ngagunakeun pasukan udara pikeun "némbongkeun aksi nu panghadéna" sarta pikeun ngaronjatkeun réputasina sorangan. [4] Hitler teu balangah-balangah teuing aya paguntrengan dina barisan tentara Sekutu. Tapi manéhna salah, lantaran geus mikir éta paguntrengan téh bakal jadi matak kacowna hubungan di antara pasukan Sekutu. Manéhna ngadodoho waktu anu pas pikeun ngaluncurkeun sanjata superna, saperi bom V-1 jeung misil gedé V-2, tapi teu kungsi kajadian.[4]


Taktik Terjun Payung

édit
 
Ratusan kapal udara ngangkut tentara

Dina operasi ieu téh mimiti kajadian pasukan terjun payung bakal turun di zona nu teu dijamin.[17] Alatan kitu, para juru terjun payun kudu ngalakukeun pendaratan taktis sangkan ngabingungkeun musuh kana arah ti mana serangan utama bakal datang sarta pikeun ngamungkinkeun pasukan turun dina tempat anu deukeut pisan kana tujuanana.[7] Ieu taktik anyar téh geus dipangaruhan ku eusi tina dokumen Jérman anu kungsi katéwak saméméhna, dina bulan Désémber 1944. Dina dokumén éta kapanggih kasalahan jeung kagagalan Sekutu pikeun neundeun kakuatan maksimum nu aya dina tanggal 17 Séptémber, lilana ngawangun pasukan, nuturkeun gaya perang saméméhna, jeung ruteu anu sarua.[18] Ku kagagalan éta, ngamungkinkeun Jérman pieun museurkeun pasukan jeung ngatur serangan balik kalawan gancang.[7][19][20]

Rujukan

édit
  1. ↑ a b c d e Fishel, Heather. "10 Important Facts About Operation Varsity - Crossing of the Rhine". WAR HISTORY ONLINE. Diakses tanggal 2019-12-31. 
  2. ↑ "Figure 1.1. Investment had already been weakening before it was hit by the crisis". dx.doi.org. Diakses tanggal 2019-12-31. 
  3. ↑ "The crossing of the Rhine: Operation Plunder and Operation Varsity". Europe Remembers (dalam en-US). Diakses tanggal 2020-03-19. 
  4. ↑ a b c By. "Operation Varsity: Allied Airborne Assault Over the Rhine River". HistoryNet (dalam en-US). Diakses tanggal 2019-12-31. 
  5. ↑ "The crossing of the Rhine: Operation Plunder and Operation Varsity". Europe Remembers (dalam en-US). Diakses tanggal 2020-03-19. 
  6. ↑ "The crossing of the Rhine: Operation Plunder and Operation Varsity". Europe Remembers (dalam en-US). Diakses tanggal 2020-03-19. 
  7. ↑ a b c Network, Warfare History. "Hitler's Nighmare: Operation Varsity was the Allies’ Biggest—and Last—Airborne Operation of World War II". The National Interest. Diakses tanggal 2019-12-31. 
  8. ↑ Admin. "Operation VARSITY: The Last Airborne Deployment of World War II – The Campaign for the National Museum of the United States Army" (dalam en-US). Diakses tanggal 2020-03-19. 
  9. ↑ "BBC - WW2 People's War - Operation Varsity". www.bbc.co.uk. Diakses tanggal 2020-03-19. 
  10. ↑ "Operation Varsity: Last Allied Airborne Operation of WWII". Warfare History Network (dalam en-US). Diakses tanggal 2020-03-19. 
  11. ↑ "The Birdmen of Varsity". Warfare History Network (dalam en-US). Diakses tanggal 2020-03-19. 
  12. ↑ "Rhine Crossing (Operation Varsity) | ParaData". www.paradata.org.uk. Diakses tanggal 2020-03-19. 
  13. ↑ "Operation Varsity: Last Allied Airborne Operation of WWII". Warfare History Network (dalam en-US). Diakses tanggal 2020-03-19. 
  14. ↑ "Operation Varsity: The Last Airborne Deployment of WWII". Fold3 Blog (dalam en-US). Diakses tanggal 2020-03-19. 
  15. ↑ "Operation Varsity: The Last Airborne Deployment of WWII". Fold3 Blog (dalam en-US). Diakses tanggal 2020-03-19. 
  16. ↑ "Virtual Library". web.archive.org. Diakses tanggal 2019-12-31. 
  17. ↑ Fishel, Heather. "10 Important Facts About Operation Varsity - Crossing of the Rhine". WAR HISTORY ONLINE. Diakses tanggal 2020-03-19. 
  18. ↑ Fishel, Heather. "10 Important Facts About Operation Varsity - Crossing of the Rhine". WAR HISTORY ONLINE. Diakses tanggal 2020-03-19. 
  19. ↑ "75th Anniversary of Operation Varsity | Army Flying Museum". www.armyflying.com. Diakses tanggal 2020-03-19. 
  20. ↑ "Operation Varsity: The Last Airborne Deployment of WWII". Fold3 Blog (dalam en-US). Diakses tanggal 2020-03-19. 
Dicomot ti "https://su.wikipedia.org/w/index.php?title=Operasi_Varsity&oldid=598193"