Pelak cau
Wangenan/Pengertian:
Pelak cau nyaéta kaulinan nangkeup tihang imah ku sababaraha urang pauntuy-untuy. Aya hiji nu kudu nyobaan ngabetot budak ti nu pangtukangna sina leupas.
Cara maenkeunna:
Cara ulinna hiji budak (biasana nu pangkuatna) nangkeup tihang imah. Ditukangeunna barudak séjén (bisa 2,3,4,5 jst) nangkeup ka éta budak, biasana mah budak nu panglembekna aya dipangtukangna. Ieu meureun asal ngaran kaulinan téh runtuyan budak diibaratkeun rungkun cau. Salian ti 'rungkun cau' ieu, aya salah saurang budak nu 'jaga' alias dihukum jadi 'patani' nu boga tugas mindahkeun pelak cau téa.[1]
Nu jaga ieu kudu ngawihkeun samacam kawih uluk panto tuluy nyoba ngabetot runtuyan barudak nepi ka leupas hiji-hiji mulai nu pangtukangna. Mun aya budak nu leupas ieu kudu milu jadi balad 'patani' téa, babarengan ngawih jeung nagbetotan babaturanna nu masih kénéh nangkod dina rungkun, pakuat2 we nepi ka rungkun cau téa béak. Kaulinan ieu, mun barudakna karuat, bisa méakkeun waktu mangjam-jam.
Alat:
1. Tihang Atawa tatangkalan
Peraturanna:
1. Teu meunang kekeletekkan
2. Kudu ngabeutot awak
3. Teu meunang narik baju
4. Ulah narik suku
5. Lamun geus peget teu meunang nangkeup deui kudu milu nu narik
Sumber édit
- ↑ Paguneman Komunitas Urang Sunda di Internét di milis urangsunda@yahoogroups.com. Dideskripsikeun ku Neng Iva.
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |