Pitulung:Pagedrug édit

Ieu artikel medar masalah téhnis sabot sababaraha jalma ngédit kaca anu sarua sakaligus, hasilna pagedrug nepi ka teu bisa dianggeuskeun ku sopwérna sacara otomatis.

Ieu kaca ngabahas pagedrug édit sarta cara mérésanana. Nu kumaha ari pagedrug édit téh? Mangga ilo conto di handap:

• Asép keur ngédit hiji artikel.
• Nalika Asép can nyimpen éditanana, ti tempat séjén Euis muka sarta ngédit artikel anu sarua.
• Réngsé ngédit, Asép nyimpen éditanana.
• Bérés ngédit, Euis ngaklik tombol "Simpen". Hasilna, dina komputer Euis mucunghul kaca "pagedrug édit", kusabab sopwérna bingungeun nangtukeun béda antara artikel vérsi Asép jeung vérsi Euis. Ku ayana pagedrug édit, Euis dibéré lolongkrang pikeun nganggeuskeun éditanana sacara manual.

Kaca pagedrug édit

Di bagian luhur kaca pagedrug édit aya kotak édit nu ngandung sakujur eusi artikel vérsi Asép, najan misalna Euis ngan ngédit subjudul. Di bagian handap kaca pagedrug édit aya kotak édit kadua anu ngandung ketikan anu rék disimpen ku Euis. Di antara dua kotak édit, ditémbongkeun béda antara artikel vérsi Asép jeung Euis. Pikeun bagian nu diédit ku Euis, ditémbongkeun parobahan hasil Euis sarta kamungkinan parobahan Asép, iwal bagian anu papada dirobah ku Asép jeung Euis. Bagian séjénna anu anyar ditambahkeun ditémbongkeun sagemblengna.

Euis bisa ngédit kotak luhur sarta nyimpen parobahanana. Lamun Euis ngan ngédit sabagian, jadina bakal dianggap salaku vérsi anyar bagianana, sahingga ngahasilkeun duplikasi bagian séjén, iwal mun ku Euis dihapus saméméh disimpen (bisa jadi alatan bug). Hadéna, salin/simpen heula tulisan anjeun (misalna dina clipboard), bolaykeun éditanana, terus ngédit ulang ku ngasupkeun/nyalin tulisan anu tadi disalin (kana clipboard).

Nyingkiranana

Kusabab pagedrug édit mah matak pijéngkéleun sarta ngalilakeun, cobaan ngarobah kabiasaan ngédit urang sangkan bisa nyingkiran ieu kajadian. Cara panggampangna nyaéta ku ngédit dina subjudul. Mun anjeun rék ngédit eusi artikel dina hiji subjudul, klik tutumbu "Édit" pikeun éta subjudul, ulah ngaklik tutumbu "Édit" pikeun sakujur artikel. Dua jalma bisa ngédit subjudul anu béda sakaligus tanpa kudu ngalaman pagedrug édit.

Pikeun ngurangan kajadian pagedrug édit, Wikipédia ogé nyadiakeun spanduk "dipaké" dina rohang ngaran Citakan nu bisa dipaké ku kontributor nu keur ngédit artikel sababaraha lila. Asupkeun {{dipaké}} di bagian luhur artikelna saméméh neruskeun ngédit, ulah poho piceun citakanana mun ngéditna anggeus.