Pratiwi Sudarmono

Pratiwi Sudarmono (Bandung, 31 Juli 1952) mangrupakeun antariksawan wanoja mimiti di Indonésia. Di taun 1980 Pratiwi kapilih jadi antariksawan Indonésia pikeun mekarkeun proyék DNA jeung ékspérimén ilmiah anu séjén. Ieu hal mangrupakeun préstasi anu luar biasa pikeun Indonésia, lantaran astronot anu pilih lalobana panalungtik ti Amérika Serikat jeung Uni Soviét. Di taun 1986, Pratiwi dijadwalkeun pikeun ngapung ka luar angkasa mawa satelit Palapa B3 ti pusat rokét di Florida, Amérika Serikat. Saméméh diluncurkeun manéhna ngalokonan latian anu ketat di Amérika. Nanging, aya kacilakaan Challenger di 28 Januari 1986 anu ngalantarankeun sakabéh misi NASA ka luar angakasa dibatalkeun. Insidénna nyaéta kapal ulang-alik Challenger bogana AS anu miboga misi STS-51-L meledug di udara 73 detik sanggeus diluncurkeun anu luhurna 15 atau 16 kilometer. Tujuh astronot tilar dunya. Lantaran éta kajadian, Pratiwi gagal ngalaksanakeun misina.