Pulo Bunaken
Bunakén nyaéta hiji pulo nu legana 8,08 km² di Teluk Manado, utara Pulo Sulawesi, Indonésia. Pulo ieu bisa ditempuh ku ''speed boat'' atawa kapal séwaan kalayan perjalan kira-kira 30 menit ti palabuhan dayeuh Manado.[1] Di sakuriling Pulo aya Taman Laut Bunakén anu mangrupa bagian ti Taman Nasional Bunakén.[1] Taman Laut Nasional Bunaken resmi diadegkeun dina taun 1991 sarta mangrupa salah sahiji nu mimiti tina sistem Indonésia anu beuki ngembang dina taman sagarana.[2] Taman sagara ieu mibanda biodiveristas kalautan salah sahiji anu pangluhurna di dunya.[1] Ayana fasilitas scuba diving ngabalukarkeun loba nu datang ka pulo ieu.[1] Sacara kabéh, Taman Laut Bunaken ngawengku wewengkon salega 75.265 héktar, kalayan 5 pulo aya di jerona, nyaéta Pulo Manado Tua, Pulo Bunaken, Pulo Siladen,Pulo Mantehage, katut sawatara anak pulona, sarta Pulo Naen.[1] Sanajan ngawengku wewengkon 75. 265 héktar, lokasi panyalamatan ngan kawates di unggal basisir anu ngalingkung kalima pulo éta.[1] Taman Sagara Bunaken mibanda 20 titik panyalamatan jeung jerona nu variatif nepi ka 1.344 méter.[1] Ti 20 titik teuleum, 12 titik teuleum di antarana aya di sakuriling Pulo Bunaken.[1] Dua belas titik paneuleuman ieu anu pang mindengna didatangan palika sarta nu mikaresep kaéndahan tetempoan handap sagara.[1] lolobana ti 12 titik panyalameutan di Pulo Bunaken ngajajar ti bagéan tenggara nepi ka bagéan kulon sagara pulo kasebut.[1] Di wewengkon ieu pisan aya pipinding karang buta anu nangtung vertikal sarta bingkeng ka luhur.[1] Pipinding karang ieu jadi asal kadaharan pikeun lauk-lauk perairan sakuriling Pulo Bunaken.[1]
.JPG)
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |