Rain Chudori

panulis Indonésia

Rain Chudori Soerjoatmodjo (gumelar di Jakarta, 10 Nopémber 1994; umur 29 taun) nyaéta saurang panulis, kurator, jeung aktris Indonésia. Manéhna babar ti pasangan panulis jeung jurnalis, Leila S. Chudori jeung Yudhi Soerjoatmodjo.[1] Ti umur 14 taun, manéhna tos loba nulis carpon dina basa Inggris nu dipedalkan di sababaraha media jeung majalah.[2] Karya manéhna nu tos dipedalkeun di antarana Monsoon Tiger and Other Stories (2015),[3] Imaginary City (2017),[4] jeung Biru dan Kisah-Kisah Lainnya (2018).[5] Salian éta, manéhna maén di sababaraha filem, nyaéta Rocket Rain (2013),[6] Sleep Tight Maria (2014),[7] jeung Galih dan Ratna (2017).[8]

Rain Chudori
Rain Chudori dina taun 2018
Rain Chudori dina taun 2018
Gumelar10 Nopémber 1994 (1994-11-10) (yuswa 29)
Jakarta, Indonésia
PagawéanPanulis, kurator, aktris
KabangsaanIndonésia
Périodeu2009–kiwari
KolotnaLeila S. Chudori (indung), Yudhi Soerjoatmodjo (bapa)
KulawargaMuhammad Chudori (aki)
Ramatloka
Loka resmi

Kasang tukang édit

Rain Chudori gedé dina kulawarga nu boga kasang tukang kapanulisan sarta jurnalisme. Leila S. Chudori, indungna, mangrupa panulis jeung jurnalis Tempo. Bapana, Yudhi Soerjoatmodjo, nyaéta saurang potografer sarta panulis ésai. Akina ogé, Muhammad Chudori, pernah jadi pamingpin rédaksi di Kantor Berita Antara sarta salah sahiji pangadeg The Jakarta Post.[1][5]

Ku sabab dilingkupan ku kulawarga nu boga kasang tukang kapanulisan, karesepan manéhna ka dunya sastra dipangaruhan pisan ku buku nu dibaca kolotna, saperti karya Raymond Carver, Patrick Modiano, jeung Anton Chekhov nu diresepan ku bapana sarta karya James Joyce jeung J.D. Salinger nu diresepan ku indungna. Sanajan kitu, karya sastra nu nyababkan manéhna beuki resep kana dunya sastra nyaéta Anna Karenina karya Leo Tolstoy kusabab eusina nu "beurat", ku kitu manéhna boga pamikiran yén panulis bisa nyieun dunya sorangan dina pikiranna.[9]

Karier kapanulisan édit

 
Rain Chudori dina taun 2015

Rain Chudori mimiti nulis dina umur 14 taun, atawa, ti taun 2009. Ti dinya, manéhna tos nulis leuwih ti 40 carpon basa Inggris nu dipedalkeun dina sababaraha média jeung majalah, saperti Jakarta Globe, the Jakarta Post, Tempo English, jeung Whiteboard Journal, sarta nepi ka majalah luar, Nylon magazine.[2][10][11] Salah sahiji carpon nu dibuat manéhna nyaéta "Smoking with God" jeung "Taman Gajah"; ieu carpon jeung genep carpon lianna salajengna dibukukeun dina hiji antologi carpon, Monsoon Tiger and Other Stories, nu dipedalkan dina taun 2015 di handap pamedal Kepustakaan Populer Gramedia (KPG).[1][3] Ieu antologi dipamérkeun di Frankfurt Book Fair 2015.[12]

Dua taun salajengna, tepatna dina Oktober 2017, Rain medalkeun novél mimitina nu boga jejer Imaginary City di handap pamedal nu sarua jeung karya mimitina. Ieu novél dijieun ku manéhna salila tilu bulan dina basa Inggris.[4] Ieu novél dipamérkeun ogé dina ajang Frankfurt Book Fair 2017.[12] Dina taun 2018, manéhhna medalkeun Biru dan Kisah-Kisah Lainnya nu mangrupa tarjamahan basa Indonésia ti Monsoon Tiger and Other Stories. Proses panarjamahannan teu dilakukeun sorangan, tapi dibantuan ku indungna jeung Abi Dharmoyo.[5]

Dina taun 2017, manéhna ngadegkeun Comma Books, pamedal bagéan ti Kepustakaan Populer Gramedia.[13] Di jero Comma Books, manéhna jadi kurator, éditor, sarta panarjamah, salah sahijina kalibat dina panarjamahan karya Raka Ibrahim, Bagaimana Tuhan Menciptakan Cahaya.[5] Sateuacanna, dina taun 2015, manéhna jeung baturna, Syarafina Vidyadhana, ngadegkeun Murmur House. Murmur House nyaéta komunitas literasi keur panulis pikeun ngabantu ngembangkeun kabisaan dina nulis sacara babarengan. Ieu komunitas medalkeun Murmur Journal nu eusina carpon, puisi, jeung ésai dina basa Inggris.[14]

Filmografi édit

Salian aktip nulis, Rain Chudori ogé pernah jadi pamaén dina sababaraha filem. Filem mimiti nu dimaénkeun ku manéhna nyaéta Rocket Rain nu disutradaraan ku Anggun Priambodo jeung dipedalkeun dina taun 2013. Dina ieu filem, manéhna merankeun tokoh nu boga ngaran nu sama, Rain.[6] Ti filem ieu, manéhna meunang nominasi Aktris Anyar Pangalusna dina Piala Maya 2014.[11][15] Salanjutna, filem kadua nu dimaénkeun ku manéhna nyaéta Sleep Tight Maria; ieu filem disutradaraan ku Monica Vanesa Tedja jeung dipedalkeun dina taun 2014.[7] Filem ieu meunang dina kompetisi filem pondok Féstival Sinema Prancis 2015.[16] Dina taun 2017, manéhna merankeun tokoh Mimi dina filem nu disutradaraan ku Lucky Kuswandian, Galih dan Ratna.[8]

Tingali ogé édit

Referensi édit

  1. a b c Wahono, Tri, ed. (22 Désémber 2015). "Antologi Cinta Perempuan dalam "Monsoon Tiger and Other Stories"". Kompas. Diakses tanggal 13 Désémber 2019. 
  2. a b Siregar, Lisa (21 Désémber 2015). "A Minute With: Rain Chudori on Being a Female Writer". Jakarta Globe. Diakses tanggal 13 Désémber 2019. 
  3. a b Priherdityo, Endro (21 Désémber 2015). "'Monsoon Tiger and Other Stories,' Kedewasaan Gadis 14 Tahun". CNN Indonesia. Diakses tanggal 13 Désémber 2019. 
  4. a b Shaidra, Aisha (18 Oktober 2018). "Imaginary City, Novel Pertama Rain Chudori". Tempo. Diakses tanggal 13 Désémber 2019. 
  5. a b c d Heriyanto, Devina (16 Désémber 2018). "Rain Chudori: Rattling cages with Comma Books". The Jakarta Post. Diakses tanggal 13 Désémber 2019. 
  6. a b Pasaribu, Adrian Jonathan (4 Maret 2014). "Anggun Priambodo, Rocket Rain, dan Keluarga". Cinema Poetica. Diakses tanggal 14 Désémber 2019. 
  7. a b "Sleep Tight Maria". Los Angeles Asian Pacific Film Festival 2017. 2017. Diakses tanggal 14 Désémber 2019.  Archived 2017-04-24 di Wayback Machine
  8. a b Megarani, Amandra M. (6 Maret 2017). "Galih dan Ratna Generasi Milenial". Majalah Tempo. Diakses tanggal 14 Désémber 2019. 
  9. Jenie, Ken (16 Désémber 2015). "Wanita dan Sastra bersama Rain Chudori". Whiteboard Journal. Diakses tanggal 13 Désémber 2019. 
  10. Ulung, A. Kurniawan (4 Januari 2016). "Monsoon tiger and other Stories: From woman for women". The Jakarta Post. Diakses tanggal 13 Désémber 2019. 
  11. a b Perdani, Yuliasri (29 Pébruari 2016). "BookWORM: Rain Chudori-Soerjoatmodjo - On women, love & endurance". The Jakarta Post. Diakses tanggal 14 Désémber 2019. 
  12. a b Maryati, ed. (15 Oktober 2017). "Bincang-bincang dengan Rain Chudori". Antara News. Diakses tanggal 13 Désémber 2019. 
  13. Aruna, Ros (20 Désémber 2018). "A Little Pause Before Comma Books' Next Big Step". idwriters. Diakses tanggal 123 Désémber 2019. 
  14. "The Murmuring of Young Writers". Jakarta Globe. 16 Pébruari 2015. Diakses tanggal 13 Désémber 2019. 
  15. "Ini Nominasi Piala Maya 2014". Detik News. 3 Désémber 2014. Diakses tanggal 14 Désémber 2019. 
  16. Wibisono, Rizkiono Unggul (7 Désémber 2015). "Ini Pemenang Kompetisi Film Pendek Festival Sinema Prancis 2015". Liputan 6. Diakses tanggal 14 Désémber 2019. 

Tutumbu luar édit