Chandra Ariati Dewi Irawan,  atawa leuwih kawentar ku ngaran Ria Irawan, lahir di Jakarta, tanggal 24 Juli 1969,[1] nyaéta saurang artis, béntang sinétron, sutradara ogé panyanyi nu geus ancrub kana dunia hiburan média ti saprak taun tujuh puluhan. Pilem Ria nu kasohor di antarana Biola Tak Berdawai (2003), Lupus (1987), Arisan! (2006) jrrd. Dina dunia perpileman Ria hasil meunangkeun sababaraha pangajén, boh di tingkat nasional, ogé di tingkat internasional. Ria tilar dunya dina tanggal 6 Januari taun 2020.

Ria Irawan
BabarChandra Ariati Dewi Irawan
24 Juli 1969
Jakarta, Indonesia
Pupus17 Januari 2020 (yuswa 50)
Jakarta, Indonesia
KawarganagaraanIndonésia
Pagawéan
  • artis
  • panyanyi
  • présénter
  • sutradara
Pasangan
  • Yuma Wiranatakusumah (m. 1997–99)
  • Mayky Wongkar (m. 2016)
KolotBambang Irawan
Ade Irawan

KarirÉdit

Ria Irawan nyaéta saurang artis turunan Minang.[2] Lahir minangka anak bungsu tina lima sadulur ti kulawarga artis, bapana Bambang Irawan, saurang aktor, indungna, Ade Irawan, ogé saurang artis. Ria mimiti biluk kana dunia pilem ti umur opat taun, maén dina pilem Sopir Taxi dina peran figuran. Tuluy maén deui di taun 1975 dina pilem Fajar Menyingsing bareng jeung Erwin Gautawa sarta dina pilem Chicha bareng jeung Chicha Kuswoyo.[3]

Ngaran Ria mimiti onjoy di taun 80-an. Peranna dina pilem Kembang Kertas (1984) meunangkeun nominasi artis panghadéna di Piala Citra taun 1985. Taun hareupna Ria dinominasikeun deui pikeun katégori nu sarua pikeun peranna dina pilem Bila Saatnya Tiba (1985). Dina taun 1988, antukna Ria hasil meunangkeun Panghargaan Piala Citra dina katégori pameran pangrojong dina pilem Selamat Tinggal Jeanette (1987), nu dibéntangan ogé ku Mathias Muchus jeung Meriem Bellina.[4] Ria ngunggulan artis-artis petingan dina meunangkeun panghargaan ieu, sainganna teu kurang ti: Nani Wijaya, Rina Hassim, Ira Wibowo jeung Rita Zahara.

Taun 90-an Ria mimiti asup kana dunia sinetron, dimimitian ku sinetron Pelangi di Hatiku (1992-1993) nu dipintonkeun ku RCTI. Taun 1994 Ria meunangkeun Panghargaan FFI pikeun peranna dina sinetron Lika Liku Laki-Laki (1994) minangka Artis Komédi Panghadéna.[5]

Taun 2003 Ria meunangkeun panghargaan Féstival Pilem Asia Pasifik minangka Artis Utama Pangpunjulna dina pilem Biola Tak Berdawai (2003).[6] Dina taun 2006 Ria dinominasikeun dina FFI pikeun katégori Artis Pangrojong Pangpunjulna dina pilem Berbagi Suami (2006), ogé di taun 2015 dina katégori nu sarua pikeun peranna dina pilem Bulan di Atas Kuburan (2015).[7] Ku pilem éta kénéh dina taun nu sarua Ria dileler ku panghargaan Piala Maya minangka Artis Pangrojong Kapilih.[8]

Ria ogé kungsi jadi sutradara jeung panulis skenario. Pilemna dijieun di taun 2016 maké judul Gila Jawa: Illogically Sane.[1]

Sajaba di dunia perpileman, Ria ogé ancrub kana dunia ngawih. Kungsi nyanyi réréongan dina grup Japras bareng jeung panyanyi-panyanyi Ully Artha, Debby Cintia Dewi, Wieke Widowati, Rini S. Bono, Nurul Arifin, Ita Mustafa. Tuluy nyieun rékaman dangdut duét jeung Rano Karno medalkeun album Hiasan Mimpi jeung Sorga Dunia. Ria ogé nyieun album solo Setangkai Anggrek Bulan jeung Di Antara Hatiku Hatimu. Tuluy Ria nyieun deui duét album bareng jeung Melissa, tukang ngawih ti Malaysia.[9]

Kahirupan pribadiÉdit

Ria ngadahup ka saurang duda anak dua, Yuma Wiranatakusumah dina tanggal 5 April 1997. Rumah tangga jeung Yuma teu lana, maranéhna ceréy dina bulan Désémber 1999.[10] Méméh kawin ka Yuma, Ria kabéjakeun kungsi deuheus jeung sutradara kakoncara, Rizal Mantovani.[11][12] Ria kungsi ogé bobogohan jeung Aga Setya dina taun 2002, tapi teu lila, ngan sapuluh bulanan.[13] Cenah, Ria ogé kungsi deukeut jeung sutradara sohor lianna, Jay Subiakto.[10][14]

Taun 1994 Ria nandangan cocoba nalika babaturanna Rifardi Soekarno alias Aldi maot di imahna, alatan overdosis.[11][15] Alatan kasus ieu Ria mutuskeun pikeun ngungsi heula ka imah lanceukna,  Dewi,  di Milan, salila dua taunan, bari sakalian nuluykeun kuliahna.[15][16] Taun 2005 Ria kabaud deui ku perkara narkoba sarta kudu urusan jeung pulisi, untungna perkarana teu kapapanjangan.[17][18]

Taun 2009 Ria nandangan cocoba deui, gangguan dina rahimna kadieunakeun katohian alatan kanker. [19][20]Ria méakkeun waragad gedé pikeun tatamba, nepi ka leuwih ti samiliarna.[20] Kajaba ti éta manéhna kapaksa reureuh heula tina dunia peran. Taun 2017 Ria dinyatakeun cageur tina panyakitna sarta mimiti ancrub deui kana dunia pilem.[21]

Taun 2016, pernahna tanggal 23 Désémber, Ria rarabi ka Mayky Wungkar. Mayky téh asistén pribadi Ria nu geus digawé bareng Ria salila 11 taun. Umur Myaky 12 taun leuwih ngora batan Ria.[22]

Tilar dunyaÉdit

Bulan Séptémber 2019, Ria asup ka Rumah Sakit Cipto Mangunkusumo (RSCM) alatan panyakit kanker kelenjar geutah weningna kambuh deui.[23] Bulan Nopémber Ria dirawat deui di RSCM.[24] Antukna dina tanggal 6 Januari 2020 Ria mulih kajati mulang ka asal, masih di RSCM,[25] dina umur 50 taun.

Ria dikurebkeun di TPU Tanah Kusir, Jakarta Kidul dina poé éta kénéh.[26] Sabelas poé sadikantunna ku Ria, dina tanggal 17 Januari 2020, ibuna Ria, Adé Irawan, nyusul Ria mulih kajati dina umur 82 taun.[27]

FilmographiÉdit

FilmÉdit

  • Sopir Taksi (1973) / Figuran
  • Fajar Menyingsing (1975) / Ria
  • Chicha (1976)
  • Cinta Abadi (1976) / Leila
  • Istriku Sayang Istriku Malang (1977)
  • Siulan Rahasia (1977) / Tini
  • Dari Mata Turun ke Hati (1979)
  • Ira Maya dan Kakek Ateng (1979)
  • Ira Maya Si Anak Tiri (1979)
  • Darna Ajaib (1980) / Maria keur leutik
  • Nakalnya Anak-Anak (1980)
  • Jangan Ambil Nyawaku (1981)
  • Kembang Kertas (1984) / Ani
  • Bila Saatnya Tiba (1985)
  • Gejolak Kawula Muda (1985)
  • Ibunda (1986) / Fitri
  • Lupus (1987) / Lulu
  • Lupus II (1987) / Lulu
  • Selamat Tinggal Jeanette (1987) / Trimah
  • Anak-Anak Gass... (1988) / Nana
  • Suami (1988)
  • Adikku Kekasihku (1989) / Shella
  • Mutiara di Khatulistiwa (1990) / Deilira
  • Peluk Daku dan Lepaskan (1991) / Denok
  • Sekretaris (1991) / Tin
  • Tabir Biru (1993) / Maya
  • Biola Tak Berdawai (2003) / Renjani
  • Arisan! (2003) / Yayuk Asmara
  • Impian Kemarau (2004)
  • Belahan Jiwa (2005) / Halimah
  • Janji Joni (2005) / kaméo
  • Berbagi Suami (2006) / Sri
  • Hotel Vladivostok (2006) (pilem pondok) / Saurang Awéwé
  • Quickie Express (2007) / Tante Guru
  • Sang Dewi (2007)
  • May (2008)
  • Cinlok (2008) / Tika
  • Cinta Setaman (2008) / Lastri
  • Ai Lop Yu Pul (2009) / kaméo
  • Jamila dan Sang Presiden (2009) / Susi
  • Madame X (2010) / Bibi Yance
  • Arisan! 2 (2011) / Yayuk Asmara
  • Romantini (2013)
  • Soekarno: Indonesia Merdeka (2013) / PSK
  • 9 Summers 10 Autumns / Bu Agus
  • Bulan di Atas Kuburan (2015) / Minar
  • Kuambil Lagi Hatiku (2019) / Dewi
  • Mantan Manten (2019) / Imelda
  • Bumi Itu Bulat (2019) / Farah
  • Koboy Kampus / Indungna Nia
  • Wedding Agreement (2019) / Bude
  • Mecca, I'm Coming (2020) / Bu Ramah

Sutradara jeung panulis skenarioÉdit

  • Gila Jiwa: Illogically Sane (2016)

SinétronÉdit

  • Pelangi di Hatiku (1992)
  • Lika Liku Laki Laki (1994)
  • Bidadari yang Terluka (1997)
  • Rahasia Ilahi (2004)
  • Khayalan Tingkat Tinggi (2005)
  • Iman (2005)
  • Tante Tuti (2005)
  • Bunga Malam (2006)
  • Segalanya Cinta (2012)
  • Jagoan Silat (2012)
  • Juna Cinta Juni (2013)

KawihÉdit

  • Hatiku Hatimu (Duét jeung Rano Karno)
  • Setangkai Bunga Anggrek (Duét jeung Rano Karno)
  • Hatiku Bagai Tertusuk Duri
  • Cahaya Ilahi (Duet jeung Opick) Billboard Indonesia/Purnama Record format VCD (Januari 2015)

PangajénÉdit

  • Nominasi Artis Pangrojong Festival Film Indonesia (1985 & 1986 /Kembang Kertas & Bila Saatnya Tiba)
  • Pinunjul Artis Pangrojong FFI (1988 / Selamat Tinggal Jeanette)
  • Pinunjul Artis Télévisi  Utama Komédi FFI (1994 / Lika Liku Laki Laki)
  • Pinunjul Artis Féstival Film Asia Pasifik (2003 / Biola tak Berdawai)
  • Nominasi Artis Paling Favorit MTV Indonesia Movie Awards (2004 / Biola tak Berdawai)
  • Pinunjul Artis Pangrojong Paling Favorit MTV Indonesia Movie Awards (2006 / Berbagi Suami)
  • Pinunjul Artis Pangrojong FFI (2006 / Berbagi Suami)
  • Nominasi Artis Pangrojong Indonesia Movie Award (IMA) (2007 / Berbagi Suami)
  • Nominasi Artis Pangrojong Favorit IMA (2007 / Berbagi Suami)
  • Pinunjul Artis Peran Pangrojong Maya Awards (2015 / Bulan di Atas Kuburan)
  • Pinunjul Artis Pangrojong IMA (2016 / Bulan di Atas Kuburan)
  • Pinunjul Artis Televisi Utama FFI / Piala Vidia (2004 / Rahasia Ilahi)

RéferénsiÉdit

  1. a b "Ria Irawan (1969–2020)". IMDB. Amazon Company. Diakses tanggal 27/01/2020. 
  2. Supriyanto (2019). "Artis Ria Irawan, Wanita Tangguh Itu, Kini Kembali Terkulai Lemah". Artis Ria Irawan, Wanita Tangguh Itu, Kini Kembali Terkulai Lemah. nusantaratv. Diakses tanggal 22/01/2020. 
  3. "Ria Irawan dan Perjuangan Mengatasi Kanker Getah Bening". beritaradar.com. 06 Januari 2020. Diakses tanggal 17 Januari 2020. 
  4. Adinda, Permata (06/01/2020). "Ria Irawan, Aktor Film Lintas Generasi". Asumsi. Diakses tanggal 17/01/2020. 
  5. Mukaromah, Vina Fadhrotul (06/01/2020). "Ria Irawan dan Perjalanan Panjangnya di Dunia Seni...". Kompas.com. Diakses tanggal 17/01/2020. 
  6. "Asia-Pacific Film Festival (2003)". IMDB.com. IMDB.com.Inc. Diakses tanggal 20 Januari 2020. 
  7. "Ria Irawan-Awards". IMDb.com Inc. Diakses tanggal 20 Januari 20. 
  8. "Ini Daftar Pemenang Piala Maya 2015". Tempo.co. Citakan:ISO date/fr2. https://seleb.tempo.co/read/729222/ini-daftar-pemenang-piala-maya-2015/full&view=ok. Diakses pada 20 Januari 2020 
  9. "Menginggal Karena Kanker, Ini Perjalanan Karier Ria Irawan". Finansialku.com. 2020. Diakses tanggal 20 Januari 2020. 
  10. a b tabloidbintang.com (06/01/2020). "Mengenang Perjalanan Hidup Ria Irawan (Bagian 4): Pernikahan yang Sensasional". Line Today. Line Corporation. Diakses tanggal 20/01/2020. 
  11. a b "Ria Irawan Kehilangan Mata Rantai". Tempo. PT Tempo Inti Media, Tbk. 29/01/1994. Diakses tanggal 20/01/2020. 
  12. "Begini Perjalanan Cinta Ria Irawan Hingga Menemukan Cinta Sejati". Orami Parenting. 8 Januari 2020. Diakses tanggal 20/01/2020. 
  13. "Kepergok Selingkuh, Aga Diputusin Ria Irawan". Liputan 6. liputan6.com KLY KapanLagi Youniverse. 6 Nopémber 2002. Diakses tanggal 21/02/2020. 
  14. "Biodata Ria Irawan Profil Foto dan Agama Lengkap". biodata.artis.net. Bidoata Profil Artis. Diakses tanggal 21/01/2020. 
  15. a b "Ria Irawan". Viva.co.id. Diakses tanggal 21/01/2020. 
  16. "Mengenang Perjalanan Hidup Ria Irawan (Bagian 3): Karier Terpuruk, Pindah ke Milan". tabloidbintang.com. 06/01/2020. Diakses tanggal 21/01/2020. 
  17. "Ria Irawan Tidak Ditahan". Liputan6.com. liputan6.com KLY KapanLagi Youniverse. 28 Juli 2005. Diakses tanggal 21/01/2020. 
  18. "Ternyata Ria Irawan Bebas Pukul 07.00 WIB & Tidak Ditahan". detiknews. detikcom. 28 Juli 2005. Diakses tanggal 21/01/2020. 
  19. "Ria Irawan Posting Foto Rahim untuk Memotivasi Pengidap Kanker". detikhealth. detikcom. 30 Januari 2015. Diakses tanggal 21/01/2020. 
  20. a b Mahaputra, Sandy (27 Nopémber 2014). "Kena Kanker Mematikan, Ria Irawan Siapkan Kain Kafan". Dream.com Muslim Lifestyle. Dream.co.id KLY KapanLagi Youniverse. Diakses tanggal 21/01/2020. 
  21. Farouk, Yazir; Laksono, Wahyu Tri (14 Maret 2019). "Sembuh dari Kanker, Ria Irawan Kembali Akting di Film Kuambil Lagi Hatiku". Suara.com. Diakses tanggal 21/01/2020. 
  22. Arsyam, Ilham (25 Désémber 2016). "Ini 5 Fakta Tentang Mayky Wongkar, Suami Baru Ria Irawan yang Tak Banyak Diketahui". Tribun-Timur.com. TRIBUNnews.com. Diakses tanggal 21/01/2020. 
  23. Nurul, Meiristica (16 Séptémber 2019). "Curahan Hati Suami Merawat Ria Irawan yang Sakit Kanker". Liputan6. liputan6.com KLY KapanLagi Youniverse. Diakses tanggal 21/01/2020. 
  24. "Kembali Masuk ke Rumah Sakit, Ria Irawan Ungkap Kondisi". CNN Indonesia. Transmedia dan Cable News Network, Inc. A Time Warner Company. 19 Nopémber 2019. Diakses tanggal 21/01/2020. 
  25. "Aktris Ria Irawan Meninggal Dunia". Kumparan. PT Dynamo Media Network. 06 Januari 2020. Diakses tanggal 21/01/2020. 
  26. Sundari, Zulfa Ayu (6 Januari 2020). "Antar Jenazah Ria Irawan ke Liang Lahad, Tangis Mayky Wongkar Pecah". Liputan6. liputan6.com KLY KapanLagi Youniverse. Diakses tanggal 20/01/2020. 
  27. "Aktris Senior Ade Irawan Meninggal Dunia". Kumparan. PT Dynamo Media Network. 17 Januari 2020. Diakses tanggal 21/01/2020.