Samsudin
Mr. Radén Samsoedin nyaéta Walikota Sukabumi nu kahiji. Dibabarkeun di Sukabumi 1 Januari 1908, ngantunkeun dina yuswa 42 taun 1950 di Jakarta. Samsoedin mangrupa Ahli hukum, Wakil Ketua PPUI, Menteri Penerangan jeung Dutabesar RI. Tamat ELS taun 1922, MULO taun 1926, AMS Bandung taun 1929, R.H. di Jakarta nu salajengna ngalanjutkeun ka Fakultas Hukum di Universitas Léiden (tamat 1935)[1].
Lalampahan Karir édit
Kungsi gawé di Departemen Ekonomi taun 1938, teras kaluar ngadegkeun kantor pangacara di Bogor nu muka cabang di Sukabumi, Cianjur, Tasikmalaya jeung Jakarta, ogé sakalian ngajalankeun surat kabar Berita Umum (Berita Oemoem). Salian ti éta ogé, Samsoedin aktif dina Pegerakan Kebangsaan. Ti taun 1940 Samsoedin jadi anggota pengurus pusat Parindra jeung Gaspi (Gabungan Sarekat Sekerja Partikelir Indonesia). Jadi loco-burgemeester Bogor dina taun 1938, anggota Dewan Rakyat Jakarta taun 1940. Dina mangsa jepang ngaeréh meunang pancén pikeun ngadegkeun Pergerakan AAA (Tilu-A),dumuk di kantor Pusat Kebudayaan, Kepala Bagian Umum Putera (Pusat Tenaga Rakyat) jeung Kantor Pusat Jawa Hokokai. Keur mangsa révolusi ilubiung bajoang dina ngapertahankeun kamerdékaan. Sanggeus pangakuan kadaulatan, kungsi jadi Menteri Penerangan terus jadi Dutabesar RI jang Pakistan. Keur mangsa éta Samsoedin geuring tuluy balik ka Jakarta rék dirawat di RS Umum Pusat (ayeuna mah RS Cipto) nu tuluy ngantunkeun.[1]
Rujukan édit
- ↑ a b Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 979-419-259-7. OCLC 45463431.