Sapindales
| Sapindales | |
|---|---|
| |
| (Sapindales) | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | Sapindales
|
Sapindales nyaéta ordo tutuwuhan nu aya dina kelompok utama Angiospermae (tutuwuhan kembangan).[1][2] Ordo ieu aya dina subkelas Rosidae nu mangrupa anggota tina kelas Magnoliopsida (dikotil atawa tutuwuhan siki beulah).[3] Ordo sapindales diwangun ku 15 kulawarga jeung 6.200 spésiés tutuwuhan kembangan nu miboga kai, kaasup bursera, médé, jeruk, kemenyan, manggah jsb.[4] Kulawarga panggedéna nyaéta Rutaceae (antara 1500 spésiés), Sapindaceae (antara 1.500 spésiés), Meliaceae ( 550 spésiés), Anacardiaceae (antara 600 spesies), dan Burseraceae (antara 600 spesies).[3] Kulawarga Sapindacéae mangrupa anggota inti tina ieu ordo nu miboga antara 140-150 genus.[4] Loba spésiés tina Sapindacéae miboga getah susu nu ngahasilkeun saponin racun.[4] Ordo Sapindales kaasup tutuwuhan buah anu penting dina dunya pertanian (medé, jeruk, léci, manggah).[4] Nu laina ngahasilkeun résin (menyan, mur) atawa racun mis saponin (chesnut horse, soapberries).[4] Loba spésiés tina ieu ordo kapanggih di daérah iklim sedeng jeung tropis.[5]
Babagian
éditAracea (Kulawarga mépel)
éditKulawarga ieu diwangun ku antara 200 spésiés tatangkalan jeung semak.[5] Daun kulawarga ieu biasana wangun ramo.[5] Kembangna biasana kur miboga hiji kelamin.[5] Sababaraha tutuwuhan tina ieu kulawarga miboga getah amis nu dipaké pikeun nyieun sirop.[5]
Anacarciaceae
éditDiwangun ku antara 650 spésiés.[5] Tutuwuhan nu kaasup kulawarga ieu nyaéta manggah, médé, pistachio sarta oak racun, poison sumac jeung poison ivy.[5]
Burseraceae (Kulawarga kemenyan)
éditDipikawanoh miboga kai nu lemes nu sok dipaké pikeun nyieun kai lapis.[5] Sok dopaké ogé pikeun nyieun pamates jalan atawa panahan angin.[5]
Sapindaceae
éditAya leuwih ti 1.500 spésiés tatangkalan, tutuwuhan ngarambat jeung semak dina ieu kulawarga.[5] Kembangna miboga opat nepi ka lima kolopak.[5] Lolobana tutuwuhan tina ieu kulawarga tumuwuh di daérah tropis jeung subtropis.[5]
Rutaceae (Kulawarga sitrus)
éditAya leuwih ti 1.500 jenis tangkal, hérba jeung semak dina kulawarga citrus.[5] Tutuwuhan tina spésiés biasana kapanggih di daérah iklim sedeng jeung tropis.[5] Kembang miboga opat nepi ka lima kolopak jeung miboga boh putik jeung benang sari tina kembang nu sarua.[5]
Meliaceae (Kulawarga mahoni)
éditKulawarga ieu dipikawanoh miboga kai nu alus nu sok dipaké pikeun furnitur.[5] Aya antara 575 spésiés.[5] Tutuwuhan nu kaasup kana ieu kulawarga nyaéta mahoni, tangkal beri cina.[5]
Hipocastanaceae
éditAya antara 25 spésiés dina ieu kulawarga.[5] Kabéh ti éta mangrupa tangkal jeung semak nu tumuwuh di beulahan bumi kalér.[5] Tangkal tina ieu kulawarga disebut Buckeyes di Amérika kaler.[5] Di eurasia, disebut chesnut-horse.[5] Ngaran buckeyes dibikeun kana ieu tangkal sabab binihna nu kawas panon uncal jalu atawa duit.[5] Ohio dipikawanoh salaku nagara Buckeye sabab kabéh tangkal buckeye tumuwuh umum di dinya.[5]
Referensi
édit- ↑ (en)Sapindales Archived 2017-09-12 di Wayback Machine (diakses 9 Maret 2016)
- ↑ Sapindales Classification (diakses 9 Maret 2016)
- ↑ a b (en)Sapindales (diakses 11 Maret 2016)
- ↑ a b c d e (en)Succulent plant (diakses 11 Maret 2016)
- ↑ a b c d e f g h i j k l m n o p q r s t u v w x (en)Nature works (diakses 11 Maret 2016)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |