Wikipédia

Senam Kégel

Senam kégel nyaéta senam anu ngalatih kakuatan otot dasar panggul. Senam kégel diciptakeun dina taun 1940 ku saurang dokter ginékologis asal Amérika, nyaéta dr. Arnold Kégel.[1] [2]Ari gunana otot panggul téh nyaéta pikeun ngeureunkeun aliran cai kahampangan. Nguatan otot-otot panggul gunana pikeun ngabantu sangkan nyegah bocorna cai kahampangan, ngaluarkeun gas atawa kotoran sacara teu dihaja.[3] Otot dasar panggul teh nyangga bagian kandung kemih, peujit, jeung vagina. Otot dasar panggul ogé ngabantu pungsi awak saperti kahampangan, kabeuratan, jeung séksual.[3]

Diagram latihan kegel

Saha nu kudu Ngalakukeun Kégel

édit

Senam kégel sabenerna bisa dilakukeun ku saha waé, awéwé jeung lalaki. Tapi aya di antarana anu geus kudu ngalakukeun ieu senam. Anu geus kudu ngamimitan ngalakukeun senam kégel téh di antarana nyaéta:

  • Nalika awéwé kakandungan jeung sanggeus ngalahirkeun
  • Leungitna kontrol kandung kemih (inkontinensia urine)
  • Rahim turun
  • Sering ngangkat beban beurat
  • Wanoja déwasa[4]
  • Anu ngabogaan beurat badan leuwih[5]

Cara Ngalakukeun Senam Kégel

édit

Senam kégel téh kaitung babari jeung praktis. Sarta teu ngabutuhkeun pakéan husus, sarta bisa dilakukeun bari diuk atawa bari nangtung. Ieu di handap léngkah-léngkah ngalakukeun senam kégel:

  1. Kanyahokeun otot panggul handap ku cara ngeureunkeun kaluarna kahampangan. Otot anu nahan cikahampangan éta anu disebut otot panggul handap.[6][7][8]
  2. Upama geus ngarasakeun otot panggul, pantengkeun (pageuhan) otot sarta tahan 5 detik, satuluyna lemeskeun deui. Nalika mantengkeun otot, singkahan mantengkeun otot beuteung, pingping jeung bobokong. Tetep napas kalayan santéy.[6][7]
  3. Upama geus biasa, urang bisa ngaronjakeun durasi nepi ka 5-10 detik.[8]
  4. Atur napas sarta ngalakukeun senam dina kaayaan anu santéy, dilakukeun sakurang-kurangna 4-6 kali sapoé.[8]

Mangpaat Senam Kégel

édit

Senam kégel mangrupa olah raga (senam) anu dipokuskeun pikeun ngalatih kakuatan otot panggul. Senam kegel dilakukeun pikeun ngungkulan sababaraha rupa masalah di antarana:

  • Urinary incontinence (bocor kahampangan)
  • Urge incontinence (hayang kahampangan dadakan)
  • Fecal incontinence (kotoran bocor)
  • Pelvic organ prolapse (organ panggul kendor atawa ngajendol ka jero vagina).[3]

Sajaba ti éta, kégel ogé bisa ngaronjatkeun kaséhatan séksual sarta ngaronjatkeun orgasme. Senam kégel, saupama dilakukeun sacara terus-terusan bisa karasa mangpaatna, boh ku lalaki boh ku awéwé.[3][9] Senam kégel ogé mangpaatna bisa karasa ku para lanjut usia.[10]

Mangpaat senam kégel bisa dirasakeun dina 3-6 minggu.[6]

Rujukan

édit
  1. ↑ "Direktorat Jenderal Pelayanan Kesehatan". yankes.kemkes.go.id. Diakses tanggal 2024-03-10. 
  2. ↑ "Rumah sakit dengan pelayanan berkualitas - Siloam Hospitals". www.siloamhospitals.com. Diakses tanggal 2024-03-10. 
  3. ↑ a b c d "Kegel Exercises: How To Do Them & Benefits". Cleveland Clinic. Diakses tanggal 2024-03-10. 
  4. ↑ Media, Kompas Cyber. "Siapa Saja yang Perlu Rajin Senam Kegel?". KOMPAS.com (dalam Indonesian). Diakses tanggal 2024-03-10. 
  5. ↑ "Senam Kegel, Ketahui Manfaat dan Cara Melakukannya untuk Wanita". kehamilan (dalam id-ID). Diakses tanggal 2024-03-10. 
  6. ↑ a b c "Direktorat Jenderal Pelayanan Kesehatan". yankes.kemkes.go.id. Diakses tanggal 2024-03-10. 
  7. ↑ a b "How to squeeze in kegels all day long". Mayo Clinic. Diakses tanggal 2024-03-10. 
  8. ↑ a b c "5 Manfaat Senam Kegel dan Cara Melakukannya dengan Benar dan Tepat". Best Seller Gramedia (dalam id-ID). Diakses tanggal 2024-03-10. 
  9. ↑ "5 Fakta Seputar Senam Kegel yang Perlu Anda Ketahui• Hello Sehat". Hello Sehat (dalam id-ID). Diakses tanggal 2024-03-10. 
  10. ↑ Telogorejo, STIKES. "Tidak Hanya untuk Bumil, Ini Manfaat Kegel untuk Lansia". STIKES Telogorejo Semarang (dalam en-US). Diakses tanggal 2024-03-10. 
Dicomot ti "https://su.wikipedia.org/w/index.php?title=Senam_Kégel&oldid=665455"