Suster ngangsrod
Suster ngangsrod atawa suster ngésod nyaéta jurig anu maké baju suster, leumpangna bari ngésod.[1] Dina sajarahna euweuh nu bisa nangtukeun asal-usul suster ngésod, ngan aya sababaraha informasi omongan batur tuluy dipercaya salaku sajarah ayana suster ngésod.[2]
Sajarah
éditJurig Suster Ngésod dipercaya ku masarakat lantaran aya caritana atawa sajarahna, mimiti caritana di Rumah Sakit Umum Cipto Mangunkusumo, Jakarta, sabab di éta tempat téh aya hiji suster anu maotna teu wajar.[1] Hiji peuting aya hiji suster keur ngalaksanakeun tugasna ngajaga hiji pasien, kaayaan éta peuting éstuning jempling pisan euweuh sasaha ngan aya hiji dokter jaga hungkul, nalika éta suster rék ka rohangan laboratorium, dijegat ku éta dokter tuluy diperkosa digusur ka rohangan laboratorium tuluy dipaéhan, sadis pisan sukuna dimutilasi dipisahkeun jeung awakna, mayitna dikubur di éta rohangan.[1] Mitos séjénna ngeunaan suster ngésod ti daérah Jawa Barat, nyaéta di hiji panti jompo aya hiji suster geulis turunan walanda ngaranna Norah jeung manéhna téh miboga élmu goib, ku ieu kamampuhna dimanpaatkeun ku manéhna pikeun maéhan kabéh jalma nu aya di éta panti lantaran alesan pribadina pernah nyeri haté ku sababaraha jalma nu aya di dinya.[1] Tuluy kajahatanana kanyahoan, salaku hukumanana suku Norah diteunggeulan ku masarakat nepi ka remuk.[1] Jeung aya sababaraha rumah sakit anu geus kolot umur jeung kaayaanana di Indonesia nu dipercaya miboga kisah sarua ngeunaan suster ngésod nu ahir kisahna sarua boga nasib jadi jurig leumpangna ngésod.[1]
Film
éditKu lobana nu percaya kana kisah suster ngésod, tuluy difilmkeun, sababaraha sutradara Indonesia nyieun riset ku ngumpulkeun sababaraha carita ti masarakat di hiji tempat, tungtungna hasil survei di lapangan ngalahirkeun sekenario film nu difilmkeun, contona waé Suster Ngésod (2007) nu diproduksi ku MD Entertainment, Suster N (2007) diproduksi ku Virgo Putra Film, Kutukan Suster Ngésod (2009) sutradarana ngora kénéh ku David Purnomo, jeung réa-réa deui film horor séjénna nu kasang tukangna kisah jurig rumah sakit.[1]
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |