Urang Ciptagelar
Urang Ciptagelar (Basa Sunda: ᮅᮛᮀ ᮎᮤᮕ᮪ᮒᮌᮨᮜᮁ) nyaéta kelompok masarakat adat nu mangrupa bagian ti sub-etnis urang Sunda anu nyicingan wewengkon sabudeureun pagunungan Salak jeung Halimun,[3] copélna di Kasepuhan Ciptagelar, Désa Sirnaresmi, Kacamatan Cisolok, Kabupatén Sukabumi anu wilayahna tepung wates jeung Kacamatan Cilograng, Kabupatén Lebak, Banten.[4]
| Urang Ciptagelar | |
|---|---|
| |
| Kawinan Abah Ugi, Ketua Adat Kasepuhan Ciptagelar. | |
| Populasi total: | 15.795[1] |
| Populasi utama di: | Kabupaten Sukabumi |
| Basa: | Basa Sunda |
| Ageman: | Islam, Sunda Wiwitan[2] |
| Séké sélér nu patali: | Badui • Sunda • Banten |
Sajarah
éditSajarah Urang Ciptagelar dimimitian babarengan jeung ditangtungkeunna Kasepuhan Ciptagelar di taun 1368 nu nurutkeun sajarah, ditangtungkeun ku pasukan Karajaan Sunda nu diparéntah ku Prabu Siliwangi jeung dibebaskan ku sabab Prabu Siliwangi rék ngalakukeun moksa. Para prajurit éta tuluy dipisah jadi tilu kelompok, nu ngabentuk babakan nu silih patali. Salah sahijina nyaéta Kampung Gede nu boga fungsi minangka puseur kasepuhan. Ti waktu harita kebentuk masarakat adat nu dipikawanoh ku sebutan Urang Ciptagelar nu ayeuna nyicingan wilayah Kasepuhan Ciptagelar.[5]
Rujukan
édit- ↑ "Tradisi Ciptagelar Di Sukabumi Mampu Pertahankan Kampung Adat". www.pikiran-rakyat.com (dalam Indonesian). Diakses tanggal 12 April 2022.
- ↑ "Penganut Sunda Wiwitan: Kami Tetap Islam". www.jpnn.com (dalam Indonesian). Diakses tanggal 12 April 2022.
- ↑ "Keunikan Perkampungan Di Lereng Gunung Halimun". www.kompasiana.com (dalam Indonesian). Diakses tanggal 12 April 2022.
- ↑ "Ciptagelar, Kampung Adat Di Sukabumi Yang Teguh Memegang Tradisi". kumparan.com (dalam Indonesian). Diakses tanggal 12 April 2022.
- ↑ "Tentang Kasepuhan Ciptagelar". ciptagelar.info (dalam Indonesian). Diakses tanggal 12 April 2022. Archived 28 Séptémber 2021 di Wayback Machine