Wikipedia:Sing teuneung

Komunitas Wikipédia salawasna ngarojong para pamaké pikeun teuneung dina ngédit énsiklopédi. Wiki siga anu urang ieu tumuwuh leuwih gancang lamun sadayana réréongan ngaropéa kasalahan, boh eusi, fakta, tata basa, tulisan, atawa kekecapanana. Wikipédia lain ukur ngawenangkeun, tapi miharep anjeun pikeun nambahan sarta ngaropéa artikel. Ku kituna urang kudu jembar, sabab batur bakal ngaropéa artikel urang. Ulah kasigeung. Batur gé siga urang, ukur hayang ngaropéa Wikipédia sangkan leuwih hadé. Lamun manggih hog-hag dina kaca obrolan, ulah ukur lalajo. Mangga ngiringan, tuliskeun pamanggih anjeun!

Ulah handeu'eul lamun pangropéa anjeun dibalikkeun deui.

Ati-ati

Najan kudu teuneung, anjeun ogé kudu ati-ati jeung ulah ngaco. Pangropéa anjeun bisa waé dianggap salah, sarta diropéa deui ku nu lian. Omat ulah kasigeung atawa ngarasa dihina. Lamun ngarasa mangmang,  ulah isin tataros ka nu sanés.