Angeun haseum
Angeun haseum lamun dina basa Indonésia mah nyaéta sayur anu eusina aya rupa-rupa sayur jiga waluh siem, térong, kacang panjang jeung aya ogé anu nambahkeun maké engkol, buah jeung daun tangkil, jagong ngora, jeung kéréwédan (danging ipis nu kénéh dililitan ku kulit ari, biasana nu dileupaskeun tina tulang dada atawa iga).[1] Lamun di Priangan sambarana teu dibalurkeun ngan éta sambara téh diplungkeun langsung nalika cai angeun keur ngagolak, sabab warna na éta kaciri kénéh hérang, jeung teu maké suuk, jagong, jeung kéréwédan.[1] Di Jakarta mah éta sambara téh dibalurkeun heula jeung sok maké kéréwédan, jagong, jeung suuk.[1] Disebut angeun haseum sabab miboga rasa anu haseum seger, anu asal na tina buah asem nu dijadikeun salah sahiji sambara dina éta angeun.[1] Di jaman ayeuna urang Sunda gé geus biasa ngajieun angeun haseum cara Jakarta.[1]