Tulang

Tulang (basa Hormat: Babalung) nyaéta mangrupa hiji tipe jaringan konéktip éndoskéléton teuas nu sok aya dina sato vertebrata. Tulang téh jadi dadasar struktur awak, ngajaga organ internal, sarta (babarengan jeung otot) pikeun ojah; ogé patali jeung formasi sél, métabolisme kalsium, jeung simpenan mineral. Tulang sasatoan, sacara koléktip, katelahna rorongkong. Kandungan tulang teu sarua jeung kartilage, nu sarua diturunkeun ti mésoderm.

Femur manusa dina ilustrasi Gray, bentuk tulang anu ilahar dipikawanoh.

Aya sababaraha téori ngeunaan épolusi tulang:

• éksoskeleton dina cangkang, carapace (ngandung sanyawaan kalsium atawa silika) jeung kitin.
• éndoskeleton (jaringan protéktif turunan mésoderm) ogé aya dina Echinoderm.

Tulang jeung rorongkong diulik dina ostéologi.

Guna

Tulang mibanda dalapan guna utama:

• Panyalindungan — ngabulen atawa ngawadahan organ jero, kayaning tangkorak nu ngajaga otak jeung tulang angen anu ngurilingan jantung jeung bayah.
• Bentuk — rorongkong pikeun dedeg awak.
• Nyieun getih — sungsum tulang dina rongga médular tulang panjang ngahasilkeun sél-sél getih dina prosés nu disebut hématopoiesis.
• Gudang mineral — nyimpen mineral nu penting pikeun awak, utamana kalsium jeung fosfor.
• Ojah — babarengan jeung otot rangka, téndon, ligamén, jeung sandi rampakgawé ngahasilkeun jeung mindahkeun tanaga pikeun ngojahkeun awak.
• Kasaimbangan asam-basa — nyangga getih mun nyanghareupan parobahan pH ku cara nyerep atawa ngaleupaskeun garam alkali.
• Détoksifikasi — jaringan tulang ogé bisa nyimpen logam beurat jeung unsur asing lianna.
• Transduksi sora — salaku bagian tina mékabika pangrungu.

Sumber rujukan

• Bone, Wikipédia édisi basa Inggris (2 Méi 2006)

Tumbu kaluar

• Review (including references) of piezoelectricity and bone remodelling Archived 2018-01-21 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.