Babakan
Babakan nyaéta hiji tempat anu tadina leuweung atawa reuma nu ngahaja dibukbak pikeun pitanieun.[1][2]
Baheula mangsa arék ngabukbak leuweung pihumaeun méméh prak sok dibabak-babak heula, taya lian dicirian maké patok.[1] Gawé usum ayeuna sabau umpamana, gawé mindo dua bau, jeung saterusna sangkan henteu jungjat.[1]
Ku lantaran pepelakan perelu ditungguan komo anu anyar ceb mah, sangkan karoris ogé nyingkahan tina gangguan sato leuweung.[1] Ku alatan kitu saheulaanan mah anu mitani téh sok ngadon pindah heula ti lembur ka éta tempat beunang ngababak.[1] Kadieunakeun ngababak atawa mabakan sok dihartikeun nyieun lembur anyar atawa bakal pilembureun.[3][1][4]
Babakan ogé nunjul kana hiji tempat anu dipaké nganjrek ku jalma anu mumbara, ku kituna éta tempat sok dingaranan luyu jeung daérah asalna jalma-jalma anu nganjrek di éta tempat.[5] Babakan ogé sok disebut anak kampung.[6]
Dicutat tina
édit- ↑ a b c d e f Dibrata, R.A. Dana (2009). Kamus Basa Sunda. Bandung: PT Kiblat Buku Utama. ISBN 9793631937.
- ↑ Rigg, Jonathan (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. p. 28. Diakses tanggal (disungsi) 11 April 2020.
- ↑ Luthfiyani, Lulu (2017). Kamus Genggam Bahasa SundaLuthfiyani. Yogyakarta: FRASA LINGUA. p. 9. ISBN 9786026475275. Disungsi12 Januari 2023
- ↑ Ischak, C. Aah (2006). Mengenal tembang Sunda Cianjuran. Universitas Michigan: Kanisius. p. 16. ISBN 9789799841421.Ditempo kaping 6 Oktober 2017
- ↑ Hasan Bisri, Cik (2005). Mengenal tembang Sunda Cianjuran. Universitas Michigan: Kaki Langit. p. 101.Ditempo kaping 6 Oktober 2017
- ↑ Sucipto, Julianus Limbeng, Toto (2007). Studi Tentang Religi Masyarakat Baduy di Desa Kanekes Provinsi Banten. Jakarta: Direktorat Jenderal Kebudayaan. p. 14.Ditempo kaping6 Oktober 2017
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |